រដ្ឋមន្ត្រីក្រសួងសុខាភិបាលណែនាំដល់មន្ទីរសុខាភិបាលរាជធានី-ខេត្តទប់ស្កាត់ការព្យាបាលជំងឺ និងដើរចាក់ថ្នាំខុសច្បាប់
រដ្ឋមន្ត្រីក្រសួងសុខាភិបាល បានណែនាំបន្ថែមទៀតដល់មន្ទីរសុខាភិបាលរាជធានី-ខេត្ត ត្រូវទប់ស្កាត់អ្នកប្រកបអាជីវកម្មព្យាបាលជំងឺនិងដើរចាក់ថ្នាំខុសច្បាប់ក្នុងដែនសមត្ថកិច្ចរបស់ខ្លួន និងអំពាវនាវដល់ប្រជាពលរដ្ឋត្រូវជៀសវាងទៅព្យាបាលជំងឺនៅតាមពេទ្យឯកជនដែលគ្មានវិជ្ជាជីវៈឬសញ្ញាបត្រត្រឹមត្រូវ ដែលអាចបង្កហានិភ័យដល់សុខភាព ជាពិសេសអាចងាយនឹងឆ្លងវីរុសថ្លើមប្រភេទ C។ រដ្ឋមន្ត្រីក្រសួងសុខាភិបាល លោក ម៉ម ប៊ុនហេង បានថ្លែងក្នុងវេទិកាតុមូល ស្តីពី ជំងឺរលាកថ្លើមប្រភេទសេ នៅសាកលវិទ្យាល័យវិទ្យាសាស្ត្រសុខាភិបាល រាជធានីភ្នំពេញ កាលពីថ្ងៃសុក្រ ដោយបានក្រើនរំលឹកដល់ប្រធានមន្ទីរសុខាភិបាលរាជធានី-ខេត្ត ត្រូវលុបបំបាត់ទាំងស្រុងនូវសេវាសុខាភិបាលខុសច្បាប់ និងត្រូវចាត់ចែងរៀបចំឯកសារគតិយុត្តិប្តឹងទៅសាលាដំបូងរាជធានី-ខេត្ត ចំពោះអ្នកដែលប្រកបអាជីវកម្មព្យាបាលជំងឺ និងដើរចាក់ថ្នាំខុសច្បាប់ នៅក្នុងដែនសមត្ថកិច្ចរបស់ខ្លួន ដើម្បីការពារសុខមាលភាពរបស់ប្រជាពលរដ្ឋ។ …
ប៉ិច សុធារី
https://bit.ly/2mnxFsf
