គណៈមេធាវីកម្ពុជាបដិសេធការអះអាងពីឥទ្ធិពលនយោបាយ
គណៈមេធាវីកម្ពុជាបានច្រានចោលការរិះគន់យ៉ាងខ្លាំងអំពីឯករាជភាព និងក្រមសីលធម៌របស់ខ្លួនពីសំណាក់គណៈមេធាវីអន្តរជាតិ(IBA)ដែលបានសួរអំពីសមាជិកភាពរបស់កម្ពុជានៅក្នុងក្រុមពិភពលោកនេះដោយហៅការវាយតម្លៃនេះថា ជា “ការប្រមាថ” គ្មានមូលដ្ឋានត្រឹមត្រូវ។
បន្ទាប់ពីអ្នកជំនាញផ្នែកច្បាប់មួយក្រុម បានមកធ្វើទស្សនកិច្ចនៅប្រទេសកម្ពុជា វិទ្យាស្ថានសិទ្ធិមនុស្សរបស់ IBA នេះ កាលពីសប្ដាហ៍មុន បានចេញសេចក្ដី ថ្លែងការណ៍មួយស្ដីអំពីប្រព័ន្ធយុត្តិធម៌ក្នុងប្រទេសកម្ពុជា ដោយចោទប្រកាន់គណៈមេធាវីនេះថាបានគំាទ្របេក្ខជនគ្មានលក្ខណៈសម្បត្តិគ្រប់គ្រាន់ដែលមានទំនាក់ទំនងជាមួយគណបក្សប្រជាជនកម្ពុជា សម្រាប់ធ្វើជាសមាជិកភាព ដោយធ្វើឲ្យគណបក្សប្រជាជនកម្ពុជាមានឥទ្ធិពលលើការបោះឆ្នោតជ្រើសរើសថ្នាក់ដឹកនាំ និងទទួលសំណូកជាថ្នូរនឹងកន្លែងផ្សេងៗនៅក្នុងកម្មវិធីបណ្ដុះបណ្ដាលនានា។ ក្នុងចំណោមអនុសាសន៍របស់របាយការណ៍នេះ គឺពិនិត្យមើលសមាជិកភាពគណៈមេធាវីនៃព្រះរាជាណាចក្រកម្ពុជាក្នុងIBA។ …
