មេធាវីដែលទិញពេស្យាចារកុមារមិនជាប់ពន្ធនាគារសូម្បីមួយថ្ងៃ
មន្ត្រីម្នាក់បាននិយាយថា កាលពីថ្ងៃអង្គារ សាលាដំបូងខេត្តសៀមរាបបានផ្តន្ទាទោសលោក ម៉ៅ តាន់អ៊ាម មេធាវីជនជាតិខ្មែរម្នាក់ឲ្យជាប់ពន្ធនាគាររយៈពេលពីរឆ្នាំកន្លះ ពីបទទិញពេស្យាចារកុមារ ប៉ុន្តែ គាត់នឹងមិនជាប់ពន្ធនាគារសូម្បីតែមួយថ្ងៃ បន្ទាប់ពីតុលាការបានព្យួរទោសទាំងអស់។ លោក ឈួន សុភា ព្រះអាជ្ញារងអមសាលាដំបូងខេត្តបានមានប្រសាសន៍ថា តុលាការក៏បានបង្គាប់ឲ្យលោក ម៉ៅ តាន់អ៊ាម បង់ប្រាក់ចំនួន៤លានរៀលឲ្យជនរងគ្រោះផងដែរ។ លោក សុភា បានមានប្រសាសន៍ថា “ខ្ញុំគិតថា សេចក្តីសម្រេចរបស់តុលាការស័ក្តិសមហើយ ហើយយើងអាចទទួលយកបាន ប្រសិនបើក្រុមគ្រួសារជនរងគ្រោះមិនយល់ព្រម ពួកគេមានសិទ្ធិប្តឹងឧទ្ធរណ៍”។ ប៉ុន្តែលោកមិនធ្វើអត្ថាធិប្បាយបន្ថែមទេ។ …
ឃី សុវុឌ្ឍី
http://www.cambodiadailykhmer.com/news/14186/
