ព្រះសង្ឃនិងពលរដ្ឋតវ៉ានឹងឧកញ៉ា-អភិបាលរងលក់ដីវត្ត
ព្រះសង្ឃជិត ៧០ អង្គនិងពុទ្ធបរិស័ទចំណុះជើងវត្តប្រមាណ ៧០០ នាក់បាននាំគ្នាលើកបដាតវ៉ាលើទីតាំង វត្តកោះពោធិវង្ស ស្ថិតនៅ ភូមិបាយាប សង្កាត់ភ្នំពេញថ្មី ខណ្ឌសែនសុខ ប្រឆាំងនឹងឈ្មួញដីម្នាក់និងអភិបាលរងខណ្ឌ ដែលបានឃុបឃិតគ្នារំលោភបំពានយកដីស្របច្បាប់វត្តមកលក់ឲ្យម្ចាស់ បុរី ប៉េង ហួត សាងសង់ជាផ្ទះលក់។ តាមសង្ឃដីកាពីព្រះចៅអធិការវត្តព្រះនាម ពឿយ មេត្តា ឲ្យដឹងថា ឧកញ៉ា ឈាង ប៉ាក់សួរ និងលោក ជា ខេមា អភិបាលរង ខណ្ឌដង្កោ បានឃុបឃិតគ្នាបំពានយកដីពីវត្ត ៣០ ម៉ែត្រគុណ ១៧០ ម៉ែត្រក្នុងទំហំដីវត្តសរុប ១០០ ម៉ែត្រគុណ ១៧០ ម៉ែត្រ។ ទីតាំងវត្តនេះទទួលបានសេចក្តីសម្រេចពីក្រសួង ធម្មការនិងសាសនា ឲ្យបើកវត្តនៅ ឆ្នាំ២០០៦ និងមានចំណារសម្រេចពីសម្តេចសង្ឃរាជ ទេព វង្ស ក្រសួង ធម្មការ អតីតអភិបាលរាជធានី លោក កែប ជុតិមា និងអាជ្ញាធរមូលដ្ឋានឯកភាពឲ្យបង្កើតវត្តនេះ ដោយមានការគាំទ្រពីប្រជាពលរដ្ឋជិត ៥០០ គ្រួសារ។ …
ឆាយ ច័ន្ទនីដា
http://www.postkhmer.com/national/1-national-news/113332-2014-04-23-04-05-05
