នាយករដ្ឋមន្ត្រីប្រាប់ឱ្យរាជបណ្ឌិត្យសភា រឹតបន្តឹងបេក្ខជនបណ្ឌិត ព្រោះមានចំនួនច្រើនពេក
លោកនាយករដ្ឋមន្ត្រី ហ៊ុន សែន បានណែនាំឱ្យរាជបណ្ឌិត្យសភាកម្ពុជារឹតបន្តឹងបេក្ខជនបណ្ឌិត ព្រោះលោកហាក់ដូចជាមានកង្វល់ទៅលើចំនួនបេក្ខជនបណ្ឌិតនេះច្រើនហួសពេក ដោយលោកថ្លែងថា ប្រសិនបើរាជបណ្ឌិត្យសភាមានចំនួនបណ្ឌិតដែលកំពុងសិក្សាបូកនឹងចំនួនបណ្ឌិតដែលបានបញ្ចប់ការសិក្សារួចហើយ ធ្វើឱ្យបណ្ឌិតដែលចេញពីរាជបណ្ឌិត្យសភាមានចំនួនឡើងដល់ជាង ៦០០ នាក់។ ថ្លែងក្នុងពិធីសម្ពោធអគារឥន្ទ្រទេវី និងខួប ២០ ឆ្នាំ នៃការបង្កើតរាជបណ្ឌិត្យសភាកម្ពុជាកាលពីថ្ងៃព្រហស្បតិ៍ លោក ហ៊ុន សែន បញ្ជាក់ថា៖ «បណ្ឌិតច្រើនពេកហើយ! អ៊ីចឹងចំណុចនេះក៏ជាចំណុចដែលត្រូវពិនិត្យឱ្យបានច្បាស់ដែលខ្ញុំនិយាយកាលពីពេលមុនថា តើអ្នកណែនាំនិក្ខេបទនោះក្នុងម្នាក់ទទួលនិស្សិតប៉ុន្មាន?»។ …
រី សុចាន់
https://bit.ly/37lWzeS
