បុគ្គលិកអង្គការ DDD តវ៉ាទាមទារឡើងប្រាក់ខែ
បុគ្គលិកជាង ១០០ នាក់ នៅអង្គការប្រព័ន្ធទិន្នន័យកម្ពុជា (DDD) បានឈរធ្វើកូដកម្មនៅមុខអគារការិយាល័យរបស់ខ្លួនតាមបណ្តាយផ្លូវលេខ ២៧១ ក្នុងសង្កាត់ ទួលទំពូង ២ ខណ្ឌ ចំការមន កាលពីម្សិលមិញ ដើម្បីទាមទារលក្ខខណ្ឌការងារប្រសើរឡើង និងទាមទារដំឡើងប្រាក់ខែឲ្យបានដល់ ១៦០ ដុល្លារ ដូចការទាមទាររបស់កម្មកររោងចក្រដែរ។ លោក អាន ស៊ីណូវីន ប្រធានសហជីពបុគ្គលិកអង្គការ DDD ប្រាប់ ភ្នំពេញ ប៉ុស្តិ៍ ឲ្យដឹងថា បុគ្គលិកផ្នែកវាយកុំព្យូទ័របញ្ជូលប្រព័ន្ធទិន្នន័យរបស់អង្គការនេះជាង ៣០០ នាក់ ទទួលបានប្រាក់ខែម្នាក់ៗចំនួន ៨៨ ដុល្លារហើយត្រូវរ៉ាប់រងការជួលផ្ទះស្នាក់នៅ និងការចាយវាយផ្សេងៗ ដែលមិនអាចទ្រទ្រង់ជីវភាពឲ្យបានសមរម្យឡើយ។ លើសពីនេះទៀត ផ្នែកធនធានមនុស្សរបស់អង្គការ បានដាក់សម្ពាធការងារមកលើបុគ្គលិក គំរាមកំហែងសហជីព និងមិនមានការផ្តល់ប្រាក់រង្វាន់លើកទឹកចិត្ត ឬការពិនិត្យសុខភាពឡើយ ទើបបុគ្គលិកនាំគ្នាធ្វើកូដកម្ម។ …
ឆាយ ច័ន្ទនីដា
http://postkhmer.com/index.php/national/1-national-news/109239--ddd-
