មន្ត្រី​សហជីព​ជាង​ ១០០​ នាក់​បាត់បង់​ការងារ​ព្រោះតែ​ជំរុញ​ឲ្យ​មាន​កូដកម្ម​

​បើ​ទោះ​ប​ញ្ញ​តិ្ត​ក្នុង​ច្បាប់​ការងារ​កម្ពុជា​ហាម​និយោជក​មិន​ឲ្យ​ចាត់វិធានការ​ប្រឆាំង​នឹង​កម្មករ​ដែល​ចូលរួម​ក្នុង​សកម្មភាព​សហជីព​ក៏​ដោយ​ ក៏​ប៉ុន្តែ​ តំណាង​សហជីព​ជាង​ ១០០​ នាក់​ត្រូវ​បាន​បញ្ឈប់​ពី​ការងារ​នៅ​រោងចក្រ​ចំនួន​ ១២​ ដោយសារ​តែ​ពួក​គេ​បាន​លើកទឹកចិត្ត​កម្មករ​ឲ្យ​ចូលរួម​ធ្វើ​កូដកម្ម​។​ ​ការ​បញ្ឈប់​នេះ​បាន​ធ្វើ​ឡើង​ភ្លាមៗ​បន្ទាប់​ពី​កូដកម្ម​ ដែល​កម្មករ​បាន​ទាមទារ​ប្រាក់​ឈ្នួល​អប្បបរមា​ ១៦០​ ដុល្លារ​បាន​ថយ​ចុះ​បន្ទាប់​ពី​មានការ​បាញ់​សម្លាប់​បាតុករ​កាលពី​ថ្ងៃ​ ទី​៣​ ខែ​ មក​រា​ បណ្តាល​ឲ្យ​ស្លាប់​យ៉ាងតិច​ ៤​ នាក់​ និង​បន្ទាប់​ពី​រដ្ឋាភិបាល​ បាន​ដាក់​បម្រាម​ចំពោះ​ការ​ធ្វើ​បាតុកម្ម​ជា​សាធារណៈ​។​ ​លោក​ Joel​ Preston​ ទីប្រឹក្សា​មជ្ឈមណ្ឌល​អប់រំ​ច្បាប់​សម្រាប់​សហគមន៍​ បាន​ថ្លែង​ថា​៖​ «​ខ្ញុំ​មើល​មិនឃើញ​ពី​មូលហេតុ​ស្របច្បាប់​ទេ​ក្នុង​ការ​បញ្ឈប់​កម្មករ​ទាំងនេះ​»​។​ លោក​បន្ត​ថា​ រោងចក្រ​ដែល​បាន​បញ្ឈប់​កម្មករ​ដោយ​ខុសច្បាប់​ ជា​រោងចក្រ​ផ្គត់ផ្គង់​ផលិតផល​ម៉ាក​ ដូច​ជា​ Adidas,​ Calvin,​ Klein,​ Armani​ ក្នុង​ចំណោម​ក្រុមហ៊ុន​ច្រើន​ទៀត​។​ …

Sean Teehan និង មុំ គន្ធា
http://postkhmer.com/national/1-national-news/109786-2014-01-28-02-57-34