ការបង្ហាញអំពីទំព័រគណនេយ្យភាពសង្គមក្នុងការជួបប្រជុំបច្ចេកវិទ្យាដើម្បីសង្គម
នាថ្ងៃទី២៥ ខែវិច្ឆិកា ក្រុមការងារអង្គការទិន្នន័យអំពីការអភិវឌ្ឍ (អូឌីស៊ី) បានចូលរួមធ្វើបទបង្ហាញក្នុងការជួបប្រជុំបច្ចេកវិទ្យាដើម្បីសង្គមជាលើកទីប្រាំពីរ នៅទីរួមខេត្តកំពង់ឆ្នាំង។ ការជួបប្រជុំបច្ចេកវិទ្យាត្រូវបានប្រឈមដោយជំងឺកូវីដ-១៩ ជាបន្តបន្ទាប់ ប៉ុន្តែថ្មីៗនេះ ការប្រជុំត្រូវបានធ្វើឡើងដោយមានអ្នកចូលរួមផ្ទាល់ ប៉ុន្តែមានការកំណត់ចំនួនអ្នកចូលរួម។ ក្នុងអំឡុងពេលកម្មវិធីដោយមានការចូលរួមផ្ទាល់ និងពីចម្ងាយពេញមួយថ្ងៃនេះ គម្រោង ការច្នៃប្រឌិតថ្មីសម្រាប់គណនេយ្យភាពសង្គមនៅកម្ពុជា (ISAC) ត្រូវបានចែករំលែកជាមួយអង្គការសង្គមស៊ីវិល (CSOs) អង្គការសហគមន៍មូលដ្ឋាន (CBOs) អ្នកសម្របសម្រួលគណនេយ្យសង្គម យុវវ័យ និងអ្នកជំនាញបច្ចេកទេស។ អ្នកចូលរួមទាំងអស់ចំនួន៣៦នាក់ (ស្រី២១នាក់) បានចូលរួមយ៉ាងសកម្មក្នុងកិច្ចប្រជុំនេះ។ បន្ថែមពីនេះក៏មានការណែនាំអំពីមូលនិធិការច្នៃប្រឌិតថ្មី និងព័ត៌មានឌីជីថល និងការស្វែងរកកិច្ចសហការ។
កញ្ញា អ៊ួន វិមល ប្រធានគ្រប់គ្រងកម្មវិធី និងភាពជាដៃគូនៃអូឌីស៊ី បានចូលរួមក្នុងកម្មវិធីនេះពីចម្ងាយ ដើម្បីចែករំលែកអំពីទំព័រព័ត៌មានថ្មីរបស់អូឌីស៊ីគឺ ទំព័រគណនេយ្យភាពសង្គម។ កញ្ញា វិមល បានធ្វើបទបង្ហាញអំពីគោលបំណងនៃទំព័រថ្មីនេះ ដំណើរការនៃការអភិវឌ្ឍ និងបច្ចុប្បន្នភាពនៃព័ត៌មានដែលមាននៅលើទំព័រនេះក្នុងទម្រង់បួនសំខាន់ដូចជា ព័ត៌មានក្រាហ្វិក អត្ថបទ តារាងទិន្នន័យ និងផែនទី។
កញ្ញា អ៊ួន វិមល កំពុងធ្វើបទបង្ហាញអំពីទំព័រគណនេយ្យភាពសង្គម។
អូឌីស៊ីមានសេចក្តីរីករាយក្នុងការចែករំលែកព័ត៌មានអំពីគណនេយ្យភាពសង្គម ការពង្រឹងការយល់ដឹង និងការប្រើប្រាស់ទំព័រថ្មីនេះបន្ថែមទៀត។ បន្ថែមពីលើការពង្រឹងការយល់ដឹងរបស់ភាគីពាក់ព័ន្ធ និងការប្រើប្រាស់ទំព័រគណនេយ្យភាពសង្គម ការចូលរួមក្នុងការជួបប្រជុំបច្ចេកវិទ្យាដើម្បីសង្គម ក៏នឹងអនុញ្ញាតឱ្យដំណើរការជ្រើសរើសអ្នកចូលរួមកាន់តែរឹងមាំសម្រាប់ការបណ្តុះបណ្តាលអក្ខរកម្មទិន្នន័យនាពេលអនាគត។
អ្នកចូលរួមមើលការធ្វើបទបង្ហាញអំពីទំព័រគណនេយ្យភាពសង្គម។
