សេចក្តីប្រកាសស្តីពីកិច្ចប្រជុំពិភាក្សាលើសេចក្តីព្រាង២ដែលទាក់ទងនិងការគ្រប់គ្រងការវិនិយោគសាធារណៈនិងសេចក្តីព្រាង
កាលពីថ្ងៃទី០៣ ខែមីនា ឆ្នាំ២០២០ ក្រសួងសេដ្ឋកិច្ចនិងហិរញ្ញវត្ថុបានចេញសេចក្តីប្រកាសមួយនៅលើគេហទំព័របណ្តាញសង្គមផ្លូវការរបស់ខ្លួនស្តីពីកិច្ចប្រជុំថ្នាក់ដឹកនាំក្រសួងដើម្បីពិនិត្យនិងពិភាក្សាលើឯកសារចំនួន២ គឺសេចក្តីព្រាងអនុក្រឹត្យស្តីពីការគ្រប់គ្រងការវិនិយោគសាធារណៈនិងសេចក្តីព្រាងផែនការសកម្មភាពលម្អិតសម្រាប់អនុវត្តយុទ្ធសាស្ត្រស្តីពីការកែទម្រង់ប្រព័ន្ធគ្រប់គ្រងការវិនិយោគសាធារណៈ ២០១៩ - ២០២៥។យោងតាមសេចក្តីប្រកាស សេចក្តីព្រាងទាំងពីរនេះបានឆ្លងកិច្ចពិភាក្សាបច្ចេកទេសផ្ទៃក្នុងជាច្រើនលើកព្រមទាំងដាក់ពិភាក្សាពិគ្រោះយោបល់់ជាមួយក្រសួង ស្ថាប័នពាក់ព័ន្ធផ្សេងទៀតមុននិងយកមកពិនិត្យពិភាក្សាសំរេចនូវថ្ងៃនេះ។សេចក្តីព្រាងអនុក្រឹត្យស្តីពីការគ្រប់គ្រងការវិនិយោគសាធារណៈ មានគោលដៅកំណត់គោលការណ៍ជាសារវន្តនិងប្រព័ន្ធនៃការគ្រប់គ្រងការវិនិយោគសាធារណៈ។ ចំណែកយុទ្ធសាស្ត្រស្តីពីការកែទម្រង់ប្រព័ន្ធគ្រប់គ្រងការវិនិយោគសាធារណៈ ២០១៩ - ២០២៥ ជាឧបករណ៍ជំនួយដល់ការត្រួតពិនិត្យ តាមដាន និងវាយតម្លៃលើរឌ្ឍនភាពនៃការអនុវត្តយុទ្ធសាស្ត្រស្តីពីការកែទម្រង់ប្រព័ន្ធគ្រប់គ្រងការវិនិយោគសាធារណៈ ២០១៩ - ២០២៥ ប្រចាំត្រីមាស និងប្រចាំឆ្នាំ។
ក្រសួងសេដ្ឋកិច្ច
