ការបំពេញកាតព្វកិច្ចតាមការកំណត់ដោយច្បាប់ស្តីពីសមាគម និងអង្គការមិនមែនរដ្ឋាភិបាល
កាលពីថ្ងៃទី១១ ខែមករា ឆ្នាំ២០២៤ ក្រសួងមហាផ្ទៃនៃកម្ពុជាបានចេញសេចក្តីប្រកាសជាសាធារណៈស្តីពីកាតព្វកិច្ចរបស់សមាគម និងអង្គការមិនមែនរដ្ឋាភិបាល បន្ទាប់ពីបានជូនដំណឹងថាសមាគម និងអង្គការមិនមែនរដ្ឋាភិបាលមួយចំនួនមិនបានអនុវត្តត្រឹមត្រូវតាមបទប្បញ្ញត្តិ។
ក្រសួងមហាផ្ទៃបានជូនដំណឹងដល់សមាគម និងអង្គការមិនមែនរដ្ឋាភិបាលក្នុងស្រុកទាំងអស់ដែលបានចុះបញ្ជីដូចតទៅ៖
១. ជូនដំណឹងជាលាយលក្ខណ៍អក្សរអំពីព័ត៌មានរាល់គណនី ដែលត្រូវបើកសម្រាប់កិច្ចប្រតិបត្តិការរបស់ខ្លួននៅធនាគារក្នុងព្រះរាជាណាចក្រកម្ពុជា ទៅកាន់ក្រសួងមហាផ្ទៃ និងក្រសួងសេដ្ឋកិច្ច និងហិរញ្ញវត្ថុ យ៉ាងយូរបំផុតត្រឹមចុងខែកុម្ភៈ ឆ្នាំ២០២៤។
២. ជូនដំណឹងជាលាយលក្ខណ៍អក្សរមកកាន់ក្រសួងមហាផ្ទៃក្នុងករណីមានការធ្វើវិសោធនកម្មលក្ខន្តិកៈ ឬការផ្លាស់ប្តូរតំណែងប្រធាន ឬតំណែងនាយកប្រតិបត្តិ ឬការប្រែប្រួលព័ត៌មានគណនីធនាគារ។
៣. បញ្ជូនរបាយការណ៍បូកសរុបសកម្មភាពការងារ និងរបាយការណ៍ហិរញ្ញវត្ថុប្រចាំឆ្នាំមួយច្បាប់ទៅក្រសួងមហាផ្ទៃ និងក្រសួងសេដ្ឋកិច្ច និងហិរញ្ញវត្ថុ យ៉ាងយូរបំផុតត្រឹមចុងខែកុម្ភៈ ឆ្នាំ២០២៤។
៤. សមាគម និងអង្គការមិនមែនរដ្ឋាភិបាលមិនត្រូវធ្វើសកម្មភាពដែលផ្ទុយនឹងលក្ខន្តិកះដែលបានដម្កល់ទុកនៅក្រសួងមហាផ្ទៃ ច្បាប់ និងលិខិតបទដ្ឋានគតិយុត្តនានាជាធរមាន។
ក្រសួងមហាផ្ទៃ
