សេចក្តីជូនដំណឹងស្តីពីការដាក់ឱ្យប្រើប្រាស់ជាផ្លូវការនូវ “ផតថលសម្រាប់អ្នកអភិវឌ្ឍសុសវែរ ដំណាក់កាលទី១ (Developer Portal -Phase I)”
នៅថ្ងៃទី២២ ខែមិថុនា ឆ្នាំ២០២៦ ក្រសួងប្រៃសណីយ៍ និងទូរគមនាគមន៍ (ក.ប.ទ.) បានចេញសេចក្តីជូនដំណឹងស្តីពីការដាក់ឱ្យប្រើប្រាស់ជាផ្លូវការនូវ “ផតថលសម្រាប់អ្នកអភិវឌ្ឍសុសវែរ ដំណាក់កាលទី១ (Developer Portal -Phase I)”។
ក្រសួងប្រៃសណីយ៍ និងទូរគមនាគមន៍ (ក.ប.ទ.) សូមជម្រាបថាដើម្បីចូលរួមចំណែកលើកកម្ពស់គុណភាព និងអន្តរប្រតិបត្តិការ នៃការអភិវឌ្ឍសុសវែរ ព្រមទាំងឆ្លើយតបទៅនឹងសកម្មភាពអាទិភាពនៃក្របខណ្ឌយុទ្ធសាស្ត្រទី៣០ នៃគោលនយោបាយ រដ្ឋាភិបាលឌីជីថលឆ្នាំ២០២២-២០៣៥ ក.ប.ទ. សម្រេចដាក់ចេញ “ផតថលសម្រាប់អ្នកអភិវឌ្ឍសុសវែរ ដំណាក់កាលទី១ (Developer Portal - Phase I)” សម្រាប់អនុវត្តក្នុងក្របខណ្ឌ ក.ប.ទ. ចាប់ពីថ្ងៃជូនដំណឹងនេះតទៅ។
ក្រសួងប្រៃសណីយ៍ និងទូរគមនាគមន៍
