សេចក្តីជូនដំណឹងស្តីពីការរៀបចំព្រឹត្តិការណ៍អម «ហ្វ្រង់កូតិច-FrancoTech»
នៅថ្ងៃទី០៨ ខែតុលា ឆ្នាំ២០២៦ ក្រសួងប្រៃសណីយ៍និងទូរគមនាគមន៍ និងក្រសួងកិច្ចការនារី បានចេញសេចក្តីជូនដំណឹងស្តីពីការរៀបចំព្រឹត្តិការណ៍អម «ហ្វ្រង់កូតិច-FrancoTech» ក្រោមមូលបទ «សហគមន៍ហ្វ្រង់កូហ្វូនីតែមួយ អនាគតឌីជីថលតែមួយ» ដែលនឹងប្រព្រឹត្តទៅចាប់ពីថ្ងៃទី១៤ ដល់ថ្ងៃទី១៦ ខែវិច្ឆិកា ឆ្នាំ២០២៦ នៅរាជធានីភ្នំពេញ។
អង្គការទិន្នន័យនៃការអភិវឌ្ឍ (អូឌីស៊ី) មានកិត្តិយសសូមជម្រាបជូនសាធារណជនទាំងអស់ឱ្យបានជ្រាបថា អូឌីស៊ីនឹងមានវត្តមាននៅព្រឹត្តិការណ៍ «ហ្វ្រង់កូតិច-FrancoTech» ដើម្បីដាក់បង្ហាញការងាររបស់យើងជូនដល់គណៈប្រតិភូជាន់ខ្ពស់រដ្ឋាភិបាល ថ្នាក់ដឹកនាំ អ្នកជំនាញ ក្រុមហ៊ុនបច្ចេកវិទ្យា វិនិយោគិន និងធុរកិច្ចថ្មីមកពីបណ្តាប្រទេសនិយាយភាសាបារាំង។
ក្រសួងប្រៃសណីយ៍និងទូរគមនាគមន៍ និងក្រសួងកិច្ចការនារី
