សេចក្ដី​ប្រកាស​ព័ត៌មាន​ ស្ដី​ពី​ ការ​ចុះហត្ថលេខា​លើ​កិច្ចព្រមព្រៀង​វិសោធនកម្ម​ស្ដី​ពី​ហិរញ្ញប្បទាន​សហប្រតិបត្តិការ​អភិវឌ្ឍ​រវាង​រាជរដ្ឋាភិបាល​នៃ​ព្រះរាជាណាចក្រ​កម្ពុជា​ និង​រដ្ឋាភិបាល​សហរដ្ឋអាមេរិក​

​នៅ​ថ្ងៃ​ទី​២៥​ ខែ​ មិថុនា​ ឆ្នាំ​២០២០​ រាជរដ្ឋាភិបាល​កម្ពុជា​ តាម​រយៈ​ក្រុមប្រឹក្សា​អភិវឌ្ឍន៍​កម្ពុជា​ និង​ រដ្ឋាភិបាល​សហរដ្ឋ​អាមេរិក​ តាម​រយៈ​ទីភ្នាក់ងារ​សហរដ្ឋ​អាមេរិក​សម្រាប់​ការ​អភិវឌ្ឍ​អន្តរជាតិ​បាន​ចុះហត្ថលេខា​លើ​កិច្ចព្រមព្រៀង​ វិសោធនកម្ម​ ស្ដី​ពី​ហិរញ្ញប្បទាន​សហប្រតិបត្តិការ​អភិវឌ្ឍ​ សម្រាប់​ឆ្នាំ​សារពើពន្ធ​២០១៩​។​ តាម​រយៈ​កិច្ចព្រមព្រៀង​នេះ​ រដ្ឋាភិបាល​សហរដ្ឋ​អាមេរិក​ នឹង​ផ្តល់​ហិរញ្ញប្បទាន​ឥត​សំណង​ប្រមាណ​ ៥៦​ លាន​ដុល្លារ​ ក្នុង​នោះ​ ៣៨​ លាន​ដុល្លារ​ សម្រាប់​វិស័យ​សុខាភិបាល​ និង​អប់រំ​ និង​ ១៨​ លាន​ដុល្លារ​ សម្រាប់​វិស័យ​កសិកម្ម​ និង​បរិស្ថាន​ ដែល​អនុវត្ត​ដោយ​ភ្នាក់ងារ​អនុវត្ត​គម្រោង​នានា​នៅ​ក្នុង​ព្រះរាជាណាចក្រ​កម្ពុជា​ ។​

ក្រុមប្រឹក្សាអភិវឌ្ឍន៍កម្ពុជា

ទាញយក៖ pdf