​សិក្ខាសាលា​ប្រព័ន្ធ​ព័ត៌មាន​ភូមិសាស្ត្រ​ស្តី​ពី​៖​ មូលដ្ឋាន​គ្រឹះ​នៃ​ QGIS

អង្គការ​ទិន្នន័យ​អំពី​ការ​អភិវឌ្ឍ​ (​អូ​ឌី​ស៊ី​)​ មាន​សេចក្តី​សោមនស្ស​រីករាយ​ក្នុង​ការ​ប្រារព្ធ​សិក្ខាសាលា​ចំនួន​៣​ អំពី​ប្រព័ន្ធ​ព័ត៌មាន​ភូមិសាស្ត្រ​ ក្រោម​ប្រធានបទ​ មូលដ្ឋាន​គ្រឹះ​នៃ​ QGIS​ ដែល​មាន​រយៈពេល​ ៣​ ថ្ងៃ​នៃ​សិក្ខាសាលា​និ​មួយៗ​។​ សិក្ខាសាលា​ជា​ស៊េរី​នេះ​មាន​គោលបំណង​ផ្តល់​ជូន​នូវ​​ចំណេះដឹង​អំពី​ជី​អាយ​អេស​ និង​ការ​ប្រើប្រាស់​កម្មវិធី​ ជី​អាយ​អេស​បើក​ទូលាយ​ (QGIS)​ សម្រាប់​ការ​ប្រមូល​ទិន្នន័យ​ ការ​គ្រប់គ្រង​ទិន្នន័យ​ និង​ការ​ធ្វើ​ផែនទី​។​ សិក្ខាសាលា​នេះ​នឹង​ផ្តោត​លើ​ប្រធានបទ​អំពី​ បរិស្ថាន​ និង​ធនធានធម្មជាតិ​។​

សិក្ខាសាលា​៖

​សិក្ខាសាលា​រយៈពេល​ ៣​ ថ្ងៃ​ នេះ​ត្រូវ​បាន​រៀបចំ​ឡើង​ដោយ​មាន​មេរៀន​ទៅ​តាម​កំរិតពីទាបទៅខ្ពស់​ សម្រាប់​សិក្ខាកាម​ក្នុង​ការ​យល់​ដឹង​ពី​គោល​ការ​សំខាន់ៗ​នៃ​ជី​អាយ​អេស​ និង​ការ​ប្រើប្រាស់​ជាក់ស្តែង​ក្នុង​ការងារ​។​ មេរៀន​ទាំងនោះ​មាន​ដូច​ជា​៖

  • ​ជំពូក​១​ ​៖​ ​ការ​ចាប់ផ្តើម​ដំបូង​ជាមួយ​កម្មវិធី​ QGIS
  • ជំពូក​២​ ​៖​ ​វិធីសាស្ត្រ​បង្ហាញ​ទិន្នន័យ​ផែនទី​
  • ​ជំពូក​៣​ ​៖​ ​ការ​គ្រប់គ្រង​ប្រព័ន្ធ​ទិន្នន័យ​ផែនទី​
  • ​ជំពូក​៤​ ​ ៖​ ​ការ​ប្រមូល​ទិន្នន័យ​ជាមួយ​ GPS
  • ជំពូក​៥​ ​ ៖​ ​ការ​ធ្វើ​ Georeference​

​អំពី​សិក្ខាសាលា​៖

  • ​ទីតាំង​៖​ ការិយាល័យ​អង្គការ​ទិន្នន័យ​អំពី​ការ​អភិវឌ្ឍ​ ភ្នំពេញ​ តំណ​ភ្ជាប់​៖​ https://goo.gl/maps/ovUFZgbFaXz
  • ​កាលបរិច្ឆេទ​៖​ ចាប់ពី​ថ្ងៃ​ទី​ ០១ ដល់​ ថ្ងៃ​ទី​ ០៣ ខែមេសា​ ឆ្នាំ​២០១៩
  • ​ការ​ចូលរួម​វិភាគទាន​៖​ ២០ដុល្លា​ក្នុង​ម្នាក់​
  • ​អត្ថប្រយោជន៍​៖​ សម្ភារៈ​សិក្សា​ កម្មវិធី​ ​ អ៊ិ​ន​ធើ​ណេ​ត​ ​ សៀវភៅ​កំណត់​ត្រា​ វិញ្ញាបនបត្រ​ អាហារ​សម្រន់​ និង​អាហារ​ថ្ងៃត្រង់​
  • ​មេរៀន​សិក្សា​៖​ ភាសា​ខ្មែរ​ និង​អង់គ្លេស​
  • ​តម្រូវការ​៖​ អ្នកចូលរួម​ត្រូវ​មាន​ កុំ​ព្យូ​រ​យួរដៃ​ ចំណេះដឹង​ក្នុង​ការ​ប្រើប្រាស់​ កុំ​ព្យូ​រ​ទ័​រ​ និង​ភាសា​អង់គ្លេស​កំរិត​មូលដ្ឋាន​ (​អាច​យល់​ពី​ពាក្យ​អង់គ្លេស​ទូទៅ​បាន​)
  • ​សម្រាប់​ការ​ចុះ​ឈ្មោះ​ ៖​ https://goo.gl/SV2owx
  • ថ្ងៃ​ផុត​កំណត់​ចុះ​ឈ្មោះ​៖ ២៧ មីនា ២០១៩
  • ថ្ងៃ​​ប្រកាស​ឈ្មោះ​បេក្ខជន​​៖ ២៨ មីនា ២០១៩
  • ​សូម​ទំនាក់ទំនង​៖​ លោក​ ផា​ន់​ សុវណ្ណ​គង្គា,​ សារ​អេ​ឡិ​ក​ត្រូ​និក​៖ ​training@opendevcam.net, លេខ​ទូរស័ព្ទ​៖​ ០១០​ ៧៥៥​ ២៩៥

អាហារូបករណ៍​៖

​អូ​ឌី​ស៊ី​ នឹង​ផ្តល់​អាហារូបករណ៍​ចំនួន​ ១០​ កន្លែង​ សម្រាប់​ការ​ចុះ​ឈ្មោះ​របស់​និស្សិត​មក​ពី​ មហាវិទ្យាល័យ​ រៀបចំ​ដែនដី​ និង​រដ្ឋបាល​ដីធ្លី​ នៃ​សាកលវិទ្យាល័យ​ ភូមិន្ទ​កសិកម្ម​,​ ដេ​ប៉ា​តឺ​ម៉​ង់​គ្រប់គ្រង​ និង​អភិវឌ្ឍន៍​ធនធានធម្មជាតិ​ នៃ​សាកលវិទ្យាល័យ​ភូមិន្ទ​ភ្នំពេញ​,​ សាលា​ជាតិ​កសិកម្ម​ព្រែក​​លៀប​​ និង​សាកលវិទ្យាល័យ​ផ្សេងៗ​ទៀត​។​

សម្រាប់​ព័ត៌មាន​លំអិត​អំពី​សិក្ខាសាលា​ ​សូម​ទាញ​យក​ឯកសារ​ជា​ទម្រង់​ PDF​។​

អង្គការទិន្នន័យអំពីការអភិវឌ្ឍ

ទាញយក៖ pdf