សេចក្តីប្រកាសព័ត៌មានស្តីពី ការចុះអនុស្សរណៈយោគយល់ស្តីពី “ការអភិវឌ្ឍគម្រោង Financial Transparency Corridor (FTC)” រវាងធនាគារជាតិនៃកម្ពុជា និងអាជ្ញាធររូបិយវត្ថុសិង្ហបុរី
នៅថ្ងៃទី១១ ខែកក្កដា ឆ្នាំ២០២៣ ធនាគារជាតិនៃកម្ពុជា បានចេញសេចក្តីប្រកាសព័ត៌មានស្តីពី ការចុះអនុស្សរណៈយោគយល់ស្តីពី “ការអភិវឌ្ឍគម្រោង Financial Transparency Corridor (FTC)” រវាងធនាគារជាតិនៃកម្ពុជា និងអាជ្ញាធររូបិយវត្ថុសិង្ហបុរី។
FTC ជាផ្លេតហ្វមចែករំលែក ដោះដូរព័ត៌មាន និងទិន្នន័យអតិថិជនរបស់គ្រឹះស្ថានហិរញ្ញវត្ថុរវាងប្រទេសកម្ពុជា និងសិង្ហបុរី។ កិច្ចសហប្រតិបត្តិការនេះ ធ្វើឡើងក្នុងគោលបំណងបង្កើតហេដ្ឋារចនាសម្ព័ន្ធឌីជីថល ដើម្បីសម្រួលដល់ពាណិជ្ជកម្ម និងធ្វើឱ្យប្រសើរឡើងនូវលទ្ធភាពនៃការទទួលបានសេវាហិរញ្ញវត្ថុឆ្លងដែនរវាងសហគ្រាសធុនតូច និងមធ្យម (SMEs) ដែលធ្វើឱ្យប្រតិបត្តិការអាជីវកម្មរបស់សហគ្រាសទាំងនោះកាន់តែរីកចម្រើន និងរួមចំណែកដល់ការអភិវឌ្ឍសេដ្ឋកិច្ច។
ធនាគារជាតិនៃកម្ពុជា
