​សេចក្តី​ប្រកាស​ព័ត៌មាន​រួម​ ស្ដី​ពី​ការ​អំពាវនាវ​ឱ្យ​មានការ​ព​ន្លឿ​ន​ និង​ផ្ដល់​ឱកាស​ដល់​អង្គការ​សង្គម​ស៊ី​វិល​បន្ត​ចូលរួម​ក្នុង​ដំណើរការ​វិសោធនកម្ម​ច្បាប់​ស្ដី​ពី​សមាគម​ និង​អង្គការ​មិនមែន​រដ្ឋាភិបាល​

​នៅ​ថ្ងៃ​ទី​២៦​ ខែសីហា​ ឆ្នាំ​២០២០​ ខម​ហ្វ្រែ​ល​បាន​ចេញ​សេចក្តី​ប្រកាស​ព័ត៌មាន​រួម​ ស្ដី​ពី​ការ​អំពាវនាវ​ឱ្យ​មានការ​ព​ន្លឿ​ន​ និង​ផ្ដល់​ឱកាស​ដល់​អង្គការ​សង្គម​ស៊ី​វិល​បន្ត​ចូលរួម​ក្នុង​ដំណើរការ​វិសោធនកម្ម​ច្បាប់​ស្ដី​ពី​សមាគម​ និង​អង្គការ​មិនមែន​រដ្ឋាភិបាល​។​ បើ​យោង​តាម​សេចក្តី​ប្រកាស​ព័ត៌មាន​រួម​ អង្គការ​សង្គម​ស៊ី​វិល​ អំពាវនាវ​ដូច​តទៅ​៖

១.​ ធ្វើ​វិសោធនកម្ម​លើ​មាត្រា​ទាំង​១៤​ រួម​មាន​មាត្រា​ ១,​ មាត្រា​ ៧,​ មាត្រា​ ៨,​ មាត្រា​ ៩,​ មាត្រា​ ១០,​ មាត្រា​ ១១,​ មាត្រា​ ២០,​ មាត្រា​ ២៤,​ មាត្រា​ ២៥,​ មាត្រា​ ២៦,​ មាត្រា​ ៣០,​ មាត្រា​ ៣១,​ មាត្រា​ ៣២​ និង​មាត្រា​ ៣៥​ ជា​ការ​ព្រួយបារម្ភ​ ដែល​បាន​លើក​ឡើង​ស្នើ​សុំ​ធ្វើ​វិសោធនកម្ម​ពី​ក្រម​អង្គការ​សង្គម​ស៊ី​វិល​។​

២.​ ព​ន្លឿ​ន​ការ​តាក់តែង​សេចក្ដីព្រាងច្បាប់​ និង​ការ​ធ្វើ​វិសោធនកម្ម​ច្បាប់​ឱ្យ​បាន​ឆាប់រហ័ស​បំផុត​ និង​ដោយ​ មាន​ផែនការ​ច្បាស់លាស់​ ។​

៣.​ផ្តល់​ឱ្យ​សង្គម​ស៊ី​វិល​បាន​សិក្សា​បន្ថែម​លើ​ខ្លឹមសារ​ដែល​នឹង​ត្រូវ​បាន​តាក់តែង​នៅ​ក្នុង​សេចក្ដីព្រាងច្បាប់​វិ​សោធនកម្ម​ នៃ​ច្បាប់​ស្ដី​ពី​សមាគម​ និង​អង្គការ​មិនមែន​រដ្ឋាភិបាល​។​

៤.​បន្ត​សហការ​ជជែក​ពិភាក្សា​ជាមួយ​សង្គម​ស៊ី​វិល​លើ​ខ្លឹមសារ​ជាក់ស្តែង​នៃ​សេចក្ដីព្រាងច្បាប់​វិសោធនកម្ម​ នេះ​ ប្រកបដោយ​បរិ​យា​បន្ន​ក្នុង​ដំណាក់កាល​ជា​បន្តបន្ទាប់​ រហូត​ដល់​សេចក្ដីព្រាងច្បាប់​វិសោធនកម្ម​ទាំងមូល​ ត្រូវ​បាន​អនុម័ត​ដោយ​ស្ថាប័ន​នីតិបញ្ញត្តិ​។

ខមហ្រ្វែល

ទាញយក៖ pdf