សេចក្តីប្រកាសព័ត៌មានរួម ស្តីពីការដាក់ឱ្យដំណើរការជាផ្លូវការការទូទាត់ឆ្លងដែនតាមឃ្យូអរកួត រវាងព្រះរាជាណាចក្រកម្ពុជា និងសាធារណរដ្ឋប្រជាធិបតេយ្យប្រជាមានិតឡាវ (ដំណាក់កាលទី២)
នៅថ្ងៃទី១៩ ខែធ្នូ ឆ្នាំ២០២៥ ធនាគារជាតិនៃកម្ពុជា និងធនាគារកណ្តាលឡាវ បានចេញសេចក្តីថ្លែងការណ៍រួមស្តីពីការដាក់ឱ្យដំណើរការជាផ្លូវការនូវការទូទាត់ឆ្លងដែនតាមឃ្យូអរកូត (QR Code) ដំណាក់កាលទី២ ដែលអនុញ្ញាតឱ្យប្រជាជនឡាវដែលមកកម្សាន្តនៅកម្ពុជា អាចស្កែនទូទាត់ប្រាក់តាម KHQR តាមរយៈកម្មវិធីធនាគារចល័តរបស់ពួកគេបានយ៉ាងងាយស្រួល។ គំនិតផ្តួចផ្តើមនេះមានគោលបំណងលើកកម្ពស់ការប្រើប្រាស់រូបិយវត្ថុជាតិ ជំរុញវិស័យទេសចរណ៍ និងពង្រឹងកិច្ចសហប្រតិបត្តិការសេដ្ឋកិច្ចឱ្យកាន់តែជិតស្និទ្ធរវាងប្រទេសទាំងពីរ។ គួរបញ្ជាក់ថា ដំណាក់កាលទី១ ដែលអនុញ្ញាតឱ្យប្រជាជនកម្ពុជាស្កែនទូទាត់នៅឡាវ ត្រូវបានដាក់ឱ្យដំណើរការតាំងពីខែសីហា ឆ្នាំ២០២៣ មកម្ល៉េះ។
ធនាគារជាតិនៃកម្ពុជា
