សាររបស់នាយករដ្ឋមន្ត្រីស្តីពីវិធានការរបស់រាជរដ្ឋាភិបាលដើម្បីគ្រប់គ្រងផលប៉ះពាល់ពីជំងឺផ្តាសាយថ្មី COVID-19 និងការព្យួរ EBA
នៅថ្ងៃទី២៤ ខែកុម្ភៈឆ្នាំ២០២០ សម្តេចតេជោ ហ៊ុន សែន បានធ្វើសេចក្តីថ្លែងការមួយស្តីពីវិធានការរបស់រាជរដ្ឋាភិបាលដើម្បីគ្រប់គ្រងផលប៉ះពាល់ពីជំងឺផ្តាសាយថ្មី COVID-19 និងការព្យួរភាពអនុគ្រោះពន្ធលើទំនិញមួយចំនួន ក្រោមកម្មវិធី ទំនិញគ្រប់មុខ លើកលែងអាវុធ (EBA)។ សម្តេចតេជោហ៊ុនសែនមានប្រសាសន៍ថា ជំងឺ COVID-19នេះ នឹងមានផលប៉ះពាល់មកលើវិស័យសំខាន់ៗនៃសេដ្ឋកិច្ចកម្ពុជាហើយវិស័យធំពីរនឹងទទួលរងផលប៉ះពាល់ខ្លាំងជាងគេក្នុងពេលដ៏លំបាកនេះគឺ វិស័យទេសចរណ៏ និងវិស័យកាត់ដេរ។ ដើម្បីជួយស្រោចស្រង់ កាត់បន្ថយនូវផលប៉ះពាល់ និងគាំទ្រលើកស្ទួយនូវកំណើនសេដ្ឋកិច្ចជាតិ រាជរដ្ឋាភិបាលកម្ពុជាបានសម្រេចចិត្តដាក់ចេញនូវវិធានការអន្តរាគមន៍បន្ទាន់មានដូចជា៖
- វិធានការជួយគាំទ្រដល់វិស័យទេសចរណ៍
- វិធានការជួយវិស័យកាត់ដេរសំលៀកបំពាក់ ស្បែកជើង និងកាបូប
- វិធានការទ្រទ្រង់កំណើន
ខុទ្ទកាល័យនាយករដ្ឋមន្ត្រី
