ក្រុមប្រឹក្សាជាន់ខ្ពស់ MRCអនុម័តលើយុទ្ធសាស្ត្រគ្រប់គ្រងគ្រោះរាំងស្ងួត និងគោលនយោបាយមួយចំនួនទៀតដើម្បីជួយលើកកម្ពស់សមត្ថភាពបណ្តាប្រទេសតាមដងទន្លេមេគង្គ ដើម្បីត្រៀមខ្លួនប្រឈមនឹងគ្រោះមហន្តរាយនាពេលអនាគត
នៅថ្ងៃទី ២៦ ខែវិច្ឆិកា ឆ្នាំ២០១៩ គណៈប្រតិភូជាន់ខ្ពស់របស់ក្រុមប្រឹក្សាគណៈកម្មការទន្លេមេគង្គ (ដែលហៅកាត់ថា MRC) បានអនុម័តលើយុទ្ធសាស្ត្រគ្រប់គ្រងគ្រោះរាំងស្ងួតសម្រាប់ឆ្នាំ ២០២០-២០២៥ នៅក្នុងជំនួបប្រចាំឆ្នាំ ដែលបានធ្វើឡើងក្នុងរាជធានីភ្នំពេញ ដើម្បីផ្តល់លទ្ធភាពឱ្យប្រទេសកម្ពុជា ឡាវ ថៃ និងវៀតណាមត្រៀមខ្លួន និងគ្រប់គ្រងគ្រោះរាំងស្ងួតរួមគ្នា។ យុទ្ធសាស្ត្រដែលបានអនុម័តនេះ បានធ្វើឡើងខណៈដែលតំបន់ទន្លឹមេគង្គកំពុងជួបប្រទះគ្រោះរាំងស្ងួតធ្ងន់ធ្ងរមួយ ដែលបណ្តាលឱ្យកម្រិតទឹកទន្លេមេគង្គធ្លាក់ក្នុងកម្រិតទាបបំផុតនៅក្នុងប្រវត្តិសាស្ត្រ ឬក្នុងកំឡុងពេល ៦០ឆ្នាំចុងក្រោយ។
យុទ្ធសាស្ត្រ៥ឆ្នាំនេះនឹងត្រូវអនុវត្តដោយមានការគាំទ្រថវិកាពីបណ្តាប្រទេសជាសមាជិក និងដៃគូអភិវឌ្ឍន៍ ហើយវានឹងផ្តោតលើគោលដៅអាទិភាពទាំង៥ ដែលត្រូវបានគេវាយតម្លៃថា "មានដំណើរការមិនល្អ" និងត្រូវការ "ការយកចិត្តទុកដាក់ជាបន្ទាន់" ដើម្បីដោះស្រាយវិបត្តិគ្រោះរាំងស្ងួត។
គណៈកម្មការទន្លេមេគង្គ
