ហិរញ្ញប្បទានថ្មីនឹងជួយកម្ពុជាក្នុងការកែលំអការអប់រំឧត្តមសិក្សាសម្រាប់ការអភិវឌ្ឍឧស្សាហកម្ម
នៅថ្ងៃទី២៦ ខែមេសា ឆ្នាំ ២០១៨ ក្រុមប្រឹក្សាភិបាលរបស់ធនាគារពិភពលោកបានអនុម័តហិរញ្ញប្បទានចំនួន ៩០ លានដុល្លារអាមេរិក ដើម្បីគាំទ្រដល់កិច្ចខិតខំប្រឹងប្រែងរបស់ប្រទេសកម្ពុជា ក្នុងការបង្កើនគុណភាពនៃការអប់រំឧត្តមសិក្សា និងការស្រាវជ្រាវនៅក្នុងប្រទេស និងពង្រីកលទ្ធភាពទទួលបានការអប់រំឧត្តមសិក្សា សម្រាប់សិស្សដែលជួបការលំបាក។ ក្នុងរយៈពេល៦ឆ្នាំទៀត គម្រោងកែលម្អសមត្ថភាពនៃគ្រឹះស្ថានអប់រំឧត្តមសិក្សា នឹងខិតខំធ្វើឱ្យប្រសើរឡើងនូវគុណភាពនៃការអប់រំ និងការស្រាវជ្រាវនៅតាមស្ថាប័នគោលដៅ បង្កើនលទ្ធភាពទទួលបានការអប់រំឧត្តមសិក្សា និងលើកកម្ពស់អភិបាលកិច្ចនៅក្នុងវិស័យនេះ។ ការយកចិត្តទុកដាក់លើវិទ្យាសាស្ត្រ បច្ចេកវិទ្យា វិស្វកម្ម គណិតវិទ្យាដែលត្រូវបានគេស្គាល់ជាទូទៅថា STEM ក៏ដូចជាវិស័យកសិកម្មត្រូវបានគេរំពឹងថា នឹងផ្តល់ឱ្យនិស្សិតកម្ពុជានូវជំនាញដែលពាក់ព័ន្ធ និងអាចផ្ទេរបាន ដែលអាចជួយដល់ការផ្លាស់ប្តូរប្រទេសពីសេដ្ឋកិច្ចដែលពឹងផ្អែកលើកម្លាំងពលកម្មទៅជាសេដ្ឋកិច្ចដែលពឹងផ្អែកលើចំណេះដឹង។
ធនាគារពិភពលោក
