សេចក្ដីជូនដំណឹងស្ដីពី ទិវាសំអាតពិភពលោក
នៅថ្ងៃទី ១២ ខែកញ្ញា ឆ្នាំ២០១៨ ក្រសួងបរិស្ថាន បានចេញសេចក្ដីជូនដំណឹងអំពីទិវាសំអាតពិភពលោក(Word Cleanup day) ដែលនឹងប្រព្រឹត្តទៅចាប់ពីវេលាម៉ោង ៦:៣០ព្រឹក ដល់ម៉ោង ១១:៣០នាទី នាថ្ងៃទី១៥ ខែកញ្ញា ឆ្នាំ២០១៨។ ក្រសួងបរិស្ថាន សហការជាមួយក្រសួងអប់រំ យុវជន និងកីឡា ក្រសួងទេសចរណ៍ អង្គការ Let’s do It និងអង្គការ GoGreen Cambodia នឹងប្រារព្ធទិវាសំអាតពិភពលោក(Word Cleanup day)នេះឡើងក្នុងគោលបំណងផ្តោតសំខាន់លើការកាត់បន្ថយការបំពុលបរិស្ថាន និងការប្រើប្រាស់ថង់ប្លាស្ទិក។ ព្រឹត្តិការណ៍នេះ ចូលរួមជំរុញ និងបំផុសឱ្យមានការចូលរួមពីសាធារណជន និងភាគីពាក់ព័ន្ធ ដែលជាចលនាសាកល ដោយផ្សារភ្ជាប់មនុស្ស និងបរិស្ថាន ដើម្បីពិភពលោកស្អាតគ្មានសំរាម។
ក្រសួងបរិស្ថាន
