​សេចក្តីជូនដំណឹង​ស្តី​ពី​ ការ​ហាមឃាត់​ការ​ឈូស​ឆាយ​ កាប់​ឆ្ការ​ ដុត​ រុករាន​ ទន្ទ្រាន​ កាន់កាប់​ដី​ព្រៃ​ ធ្វើ​ជា​កម្មសិទ្ធិ​ ការ​ទិញ​ លក់​ដី​រដ្ឋ​ និង​ការ​បញ្ជាក់​ការ​ទិញ​ លក់​ដី​រដ្ឋ​ ខុសច្បាប់​នៅ​ក្នុង​តំបន់ការពារធម្មជាតិ​

​នៅ​ថ្ងៃ​ទី​១២​ ខែកញ្ញា​ ឆ្នាំ​២០១៨​ ក្រសួងបរិស្ថាន​បាន​ចេញ​សេចក្តីជូនដំណឹង​ ​ស្តី​ពី​ ការ​ហាមឃាត់​ការ​ឈូស​ឆាយ​ កាប់​ឆ្ការ​ ដុត​ រុករាន​ ទន្ទ្រាន​ កាន់កាប់​ដី​ព្រៃ​ ធ្វើ​ជា​កម្មសិទ្ធិ​ ការ​ទិញ​ លក់​ដី​រដ្ឋ​ និង​ការ​បញ្ជាក់​ការ​ទិញ​ លក់​ដី​រដ្ឋ​ ខុសច្បាប់​នៅ​ក្នុង​តំបន់ការពារធម្មជាតិ​។​

​ដើម្បី​ពង្រឹង​ប្រសិទ្ធភាព​នៃ​ការ​គ្រប់គ្រង​តំបន់​ធម្មជាតិ​ និង​សិទ្ធិ​ស្របច្បាប់​របស់​ក្រុមហ៊ុន​វិនិយោគ​អភិវឌ្ឍន៍​ ក្រសួងបរិស្ថាន​សូម​ដាក់​ចេញ​នូវ​វិធានការ​ និង​ការ​ណែនាំ​ដូច​ខាងក្រោម​៖

  • ​ត្រូវ​បញ្ឈប់​ជា​បន្ទាន់​នូវ​រាល់​សកម្មភាព​ខុសច្បាប់​ជា​អាទិ៍​ ការ​ឈូស​ឆាយ​ កាប់​ឆ្ការ​ ដុត​ រុករាន​ ទន្ទ្រាន​ដី​ព្រៃ​ ការ​សាងសង់​ខ្ទម​-​រោង​ ការ​ដាំ​ដុះ​ដំណាំ​ និង​ការ​អាស្រ័យ​ផល​លើ​ដី​របស់​រដ្ឋ​នៅ​ក្នុង​តំបន់ការពារធម្មជាតិ​។​
  • ​ត្រូវ​បញ្ឈប់​ជា​បន្ទាន់​នូវ​រាល់​ការ​ទិញ​-​លក់​ដី​រដ្ឋ​ និង​ការ​បញ្ជាក់​ការ​ទិញ​-​លក់​ដី​រដ្ឋ​ដោយ​ខុសច្បាប់​នៅ​ក្នុង​តំបន់ការពារធម្មជាតិ​។​

ក្រសួងបរិស្ថាន

ទាញយក៖ pdf