សេចក្តី​ប្រកាស​ព័ត៌មាន​អំពី​លទ្ធផល​នៃ​កិច្ចប្រជុំ​រដ្ឋមន្ត្រី​ការ​បរទេស​អាស៊ាន​លើក​ទី​៥២​ ថ្ងៃ​ទី​ ៣០-៣១​ ខែកក្កដា​ ឆ្នាំ​២០១៩

​នៅ​ថ្ងៃ​ទី​ ៣០-៣១​ ខែកក្កដា​ ឆ្នាំ​២០១៩​ ក្រសួងការបរទេស​ និង​សហប្រតិបត្តិការ​អន្តរជាតិ​ បាន​ចេញ​សេចក្តី​ប្រកាស​ព័ត៌មាន​ ស្តី​ពី​លទ្ធផល​នៃ​កិច្ចប្រជុំ​រដ្ឋមន្ត្រី​ការ​បរទេស​អាស៊ាន​លើក​ទី​ ៥២​ ជំនួប​រវាង​រដ្ឋមន្ត្រី​ការ​បរទេស​អាស៊ាន​ជាមួយ​គណៈកម្មការ​អន្តររដ្ឋាភិបាល​អាស៊ាន​ស្តី​ពី​សិទ្ធិ​មនុស្ស​ កិច្ចប្រជុំ​គណៈកម្មការ​តំបន់​អាស៊ី​អាគ្នេយ៍​គ្មាន​អាវុធ​នុយក្លេអ៊ែរ​ ដែល​បាន​ប្រព្រឹត្ត​ទៅ​ថ្ងៃ​ទី​ ៣០-៣១​ ខែកក្កដា​ ឆ្នាំ​២០១៩​ នៅ​ទីក្រុង​បាំង​កក​ ប្រទេស​ថៃ​។​ នៅ​ក្នុង​កិច្ចប្រជុំ​រដ្ឋមន្ត្រី​ការ​បរទេស​អាស៊ាន​លើក​ទី​ ៥២​ រដ្ឋមន្ត្រី​បាន​ពិភាក្សា​គ្នា​លើ​ប្រធានបទ​សំខាន់​ចំនួន​ ២៖​ ១)​ ការ​កសាង​សហគមន៍​អាស៊ាន​ ដែល​ផ្តោត​ជា​សំខាន់​ទៅ​លើ​ការ​អនុវត្ត​យ៉ាង​ពេញលេញ​ និង​ប្រកបដោយ​ប្រសិទ្ធិ​ភាព​នៃ​ផែនការមេ​ទាំង​ ៣​ នៃ​សហគមន៍​អាស៊ាន​ រួម​មាន​ សហគមន៍​នយោបាយ​-​សន្តិសុខ​អាស៊ាន​ សហគមន៍​សេដ្ឋកិច្ច​អាស៊ាន​ និង​សហគមន៍​អាស៊ាន​ រួម​មាន​ សហគមន៍​នយោបាយ​-​សន្តិសុខ​អាស៊ាន​ សហគមន៍​សេដ្ឋកិច្ច​អាស៊ាន​ និង​សហគមន៍​សង្គម​-​វប្បធម៌​អាស៊ាន​ និង​ ២)​ ទំនាក់ទំនង​ខាងក្រៅ​របស់​អាស៊ាន​ ជា​ពិសេស​ស​ស្តី​ពី​និម្មាបនកម្ម​តំបន់​ ដៃគូ​សន្ទនា​អាស៊ាន​ ភាព​ជា​ដៃគូ​សន្ទនា​អាស៊ាន​តាម​វិស័យ​ ដៃគូ​អភិវឌ្ឍន៍​អាស៊ាន​ និង​អង្គការ​តំបន់​ និង​អន្តរជាតិ​។​ រដ្ឋមន្ត្រី​គ៏​បាន​ផ្លាស់​ប្តូរ​ទស្សនៈ​លើ​បញ្ហា​តំបន់​ និង​អន្តរជាតិ​ផង​ដែរ​។​

ក្រសួងការបរទេស​ និង​សហប្រតិបត្តិការ​អន្តរជាតិ​

ទាញយក៖ pdf