ក្រសួងពាណិជ្ជកម្មកំណត់តម្លៃប្រេងអតិប្បរមា
យោងតាមសេចក្តីជូនដំណឹងចេញផ្សាយដោយក្រសួងពាណិជ្ជកម្មកាលពីថ្ងៃទី១៤ខែមីនា តម្លៃអតិប្បរមានៃប្រេងសាំងនៅលើទីផ្សារនាពេលបច្ចុប្បន្ននេះ ត្រូវបានកំណត់តាមរូបមន្តគណនានៅក្នុងប្រកាសអន្តរក្រសួងលេខ ០៩៨ ដែលបានចុះហត្ថលេខានៅថ្ងៃទី០៩ ខែមីនា ឆ្នាំ២០១៦ ដោយក្រសួងពាណិជ្ជកម្ម ក្រសួងសេដ្ឋកិច្ចនិងហិរញ្ញវត្ថុ និងក្រសួងរ៉ែនិងថាមពល។
តម្លៃអតិប្បរមានៃប្រភេទប្រេងសាំងនីមួយៗនាថ្ងៃនេះ៖
សាំងស៊ូពែរ តម្លៃ ៣,១៥០រៀលក្នុងមួយលីត្រ,
សាំងធម្មតា តម្លៃ ៣,០៥០រៀលក្នុងមួយលីត្រ,
ប្រេងម៉ាស៊ូត តម្លៃ ២,៧០០រៀលក្នុងមួយលីត្រ។
ក្រសួងពាណិជ្ជកម្មបានបញ្ជាក់ផងដែរថា តម្លៃអតិប្បរមានឹងត្រូវបានកំណត់ឡើងវិញ និងបង្ហោះនៅលើគេហទំព័រ Facebook ជាផ្លូវការបស់ខ្លួន។
ក្រសួងពាណិជ្ជកម្ម
