សេចក្តីប្រកាសព័ត៌មាន៖ កម្ពុជាបាត់បង់សិទ្ធិរួចពន្ធចូលទីផ្សារអឺរ៉ុបដោយសារបញ្ហាសិទ្ធិមនុស្ស
នៅថ្ងៃទី ១២ ខែសីហាឆ្នាំ ២០២០ គណៈកម្មការអឺរ៉ុបបានចេញសេចក្តីប្រកាសព័ត៌មានស្តីពីសេចក្តីសំរេចចិត្តរបស់ខ្លួនស្តីពីការដកផ្នែកខ្លះនៃប្រព័ន្ធអនុគ្រោះពន្ធអ្វីៗគ្រប់យ៉ាងលើកលែងតែអាវុធ(EBA) ចេញពីប្រទេសកម្ពុជា។ ក្នុងនោះ ផលិតផលនាំចេញមួយចំនួនរបស់កម្ពុជាដូចជា សម្លៀកបំពាក់ ស្បែកជើង និងទំនិញសម្រាប់ការធ្វើដំណើរ ត្រូវស្ថិតក្រោមពន្ធគយរបស់សហភាពអឺរ៉ុប។ ការសម្រេចចិត្តរបស់សហភាពអ៊ឺរ៉ុបក្នុងការដកផ្នែកខ្លះនៃប្រព័ន្ធអនុគ្រោះពន្ធរបស់កម្ពុជាទៅទីផ្សារអឺរ៉ុបឥឡូវនេះមានប្រសិទ្ធភាព។ ការអនុគ្រោះពន្ធដែលទទួលបានដោយប្រទេសកម្ពុជាស្ថិតនៅក្រោមប្រព័ន្ធអនុគ្រោះពន្ធ “អ្វីៗគ្រប់យ៉ាងលើកលែងតែអាវុធ” ដែលជាគំនិតផ្តួចផ្តើមរបស់សហភាពអឺរ៉ុបសម្រាប់ប្រទេសអភិវឌ្ឍន៍តិចតួចក្នុងការទទួលនូវការអនុគ្រោះដោយមិនជាប់ពន្ធនាំចូល និងកូតា ឥឡូវនេះត្រូវបានដកចេញជាបណ្តោះអាសន្នដោយសារការព្រួយបារម្ភធ្ងន់ធ្ងរ និងជាប្រព័ន្ធដែលទាក់ទងទៅនឹងបញ្ហាសិទ្ធិមនុស្សនៅក្នុងប្រទេសកម្ពុជា។ សហភាពអ៊ឺរ៉ុបអនុវត្តវិធានការនេះ ខណៈពេលដែលបើកចំហក្នុងការចូលរួមជាមួយប្រទេសកម្ពុជាលើកំណែទម្រង់ចាំបាច់នានា។
គណៈកម្មការអឺរ៉ុប
