សេចក្ដីប្រកាសព័ត៌មាន៖ ជប៉ុនផ្ដល់ ១៧៩,៣០៨ដុល្លារអាមេរិក សម្រាប់ការស្តារឡើងវិញនូវប្រព័ន្ធធារាសាស្ត្រ និងពង្រឹងសហគមន៍កសិកម្ម
រដ្ឋាភិបាលជប៉ុន បានឯកភាពផ្តល់ថវិកាសរុបចំនួន ១៧៩,៣០៨ ដុល្លារអាមេរិក ដល់អង្គភាពចំនួនពីរ ក្រោមគ្រោងការណ៍ជំនួយឧបត្ថម្ភឥតសំណងសម្រាប់គម្រោងទ្រង់ទ្រាយតូចសន្តិសុខ មនុស្សជាតិ (ជំនួយគូសាណូណ៌) ។ កិច្ចសន្យាផ្តល់ជំនួយ ត្រូវបានចុះហត្ថលេខានៅថ្ងៃនេះ ដោយ ឯកឧត្តម មិកាមិ ម៉ាសាហ៊ីរ៉ូ ឯកអគ្គរាជទូតវិសាមញ្ញ និងពេញសមត្ថភាពរបស់ប្រទេសជប៉ុនប្រចាំព្រះ រាជាណាចក្រកម្ពុជា និងអ្នកតំណាងអង្គភាពទទួលជំនួយទាំងពីរ សម្រាប់គម្រោងដូចតទៅ៖
- គម្រោងស្តារឡើងវិញនូវប្រព័ន្ធធារាសាស្ត្រកោះស្វាយ ខេត្តកំពង់ចាម (ថវិកាចំនួន ៨៩,៥០៨ ដុល្លារអាមេរិក)
- គម្រោងពង្រឹងសហគមន៍កសិកម្មក្នុងស្រុកមេមត់ និងស្រុកតំបែរ ខេត្តត្បូងឃ្មុំ (ថវិកាចំនួន ៨៩,៨០០ ដុល្លារអាមេរិក)
ស្ថានទូតជប៉ុននៅកម្ពុជា
