សេចក្តីប្រកាសព័ត៌មានស្តីពី សម្តេចធីបតី ហ៊ុន ម៉ាណែត អញ្ជើញជួបសំណេះសំណាលជាមួយអភិបាលខេត្តយូណាន ថ្នាក់ដឹកនាំប្រទេសវៀតណាម និងមីយ៉ាន់ម៉ា តំណាងធុរកិច្ច និងជួបសំណេះសំណាលជាមួយនិស្សិតកម្ពុជានៅខេត្តយូណាន
នៅថ្ងៃទី ៧ ខែវិច្ឆិកា ឆ្នាំ២០២៤ ក្រសួងការបរទេស និងសហប្រតិបត្ដិការអន្ដរជាតិ បានចេញសេចក្ដីប្រកាសព័ត៌មានមួយស្ដីពី សម្តេចធីបតី ហ៊ុន ម៉ាណែត អញ្ជើញជួបសំណេះសំណាលជាមួយអភិបាលខេត្តយូណាន ថ្នាក់ដឹកនាំប្រទេសវៀតណាម និងមីយ៉ាន់ម៉ា តំណាងធុរកិច្ច និងជួបសំណេះសំណាលជាមួយនិស្សិតកម្ពុជានៅខេត្តយូណាន នៅលើគេហទំព័រផ្លូវការរបស់ខ្លួន។
យោងតាមសេចក្ដីប្រកាស សម្តេចធិបតី ហ៊ុន ម៉ាណែត បានជួបពិភាក្សាការងារទ្វេភាគីជាមួយអភិបាលខេត្តយូណាន នាយករដ្ឋមន្ត្រីនៃសាធារណៈរដ្ឋសង្គមនិយមវៀតណាម ប្រធានក្រុមប្រឹក្សារដ្ឋបាលរដ្ឋនៃមីយ៉ាន់ម៉ា ព្រមទាំងថ្នាក់ដឹកនាំធុរកិច្ចចិន នៅខាងក្រៅកិច្ចប្រជុំកំពូលចំនួនបី ក្រោមក្របខណ្ឌមេគង្គ ដែលធ្វើឡើងនៅទីក្រុងគុនមីង ខេត្តយូណាន ប្រទេសចិន ចាប់ពីថ្ងៃទី ៥ ដល់ ៧ ខែវិច្ឆិកា ឆ្នាំ ២០២៤។
ក្រសួងការបរទេស និងសហប្រតិបត្ដិការអន្ដរជាតិ
