សេចក្តីថ្លែងការណ៍​របស់​ Save​ the​ Mekong​ អំពី​ការ​បាក់​ទំនប់​នៃ​គម្រោង​វា​រី​អគ្គិសនី​ Xe​ Pian-Xe​ Nam​ Noy

Save​ the​ Mekong​ ដែល​ជា​សម្ព័ន្ធ​នៃ​អង្គការ​មិនមែន​រដ្ឋាភិបាល​ ក្រុម​សមាគម​ន៍​ និង​ប្រជាពលរដ្ឋ​ដែល​មានការ​យកចិត្តទុកដាក់​ព្រួយបារម្ភ​អំពី​សុខទុក្ខ​ទន្លេមេគង្គ​ក្នុង​តំបន់​ សូម​ថ្លែង​នូវ​សេចក្តី​ភ្ញាក់ផ្អើល​ និង​ព្រួយបារម្ភ​ចំពោះ​ការ​បាក់​ទំន​ប់​នៃ​គម្រោង​វា​រី​អគ្គិសនី​ xe​ Pian-Xe​ Nam​ Noy​ នៅ​ប្រទេស​ឡាវ​ និង​សូម​ចូលរួម​ចែករំលែក​ទុក្ខ​ដ៏​ជ្រាលជ្រៅ​ចំពោះ​សហគមន៍​ដែល​រង​គ្រោះ​ដោយសារ​សោកនាដកម្ម​នេះ​ ទាំង​នៅ​ប្រទេស​ឡាវ​ភាគ​ខាងត្បូង​ និង​នៅ​តាម​តំបន់​ខ្សែទឹក​ខាងក្រោម​នៃ​ប្រទេស​កម្ពុជា​។​ ការ​បាក់​ទំនប់​ xe​ Pian-Xe​ Nam​ Noy​ គឺជា​គ្រោះ​មហន្តរាយ​មួយ​ ប៉ុន្តែ​មិនមែន​គ្រោះ​មហន្តរាយ​ធម្មជាតិ​ទេ​។​ វា​គឺជា​គ្រោះ​មហន្តរាយ​ដែល​បណ្តាល​មក​ពី​កំហុសឆ្គង​របស់​មនុស្ស​ ដែល​កំហុសឆ្គង​នេះ​ជា​ចំណែក​របស់​អ្នក​សាងសង់​ទំនប់​។​ ប្រជាជន​ភាគច្រើន​ នៅ​ប្រទេស​ឡាវ​ និង​នៅ​តាម​ដង​ទន្លេមេគង្គ​ គឺ​ងាយ​នឹង​រង​គ្រោះ​ដោយសារ​គ្រោះ​មហន្តរាយ​បែប​នេះ​ ក៏​ដូច​ជា​ទទួល​រង​គ្រោះ​ពី​ហានិភ័យ​នានា​ដែល​ចេញពី​ការ​បំផ្លាញ​បរិស្ថាន​ដ៏​សំបើម​ ដោយសារ​ទំនប់​វា​រី​អគ្គិសនី​ធំៗ​ ចំនួន​ ១១​ នៅ​តាម​តួ​មេ​ទន្លេមេគង្គ​ក្រោម​ និង​ទំនប់​ចំនួន​ ១២០​ ទៀត​ ដែល​ត្រូវ​បាន​គ្រោង​នឹង​ធ្វើ​ឱ្យ​រួចរាល់​នៅ​ឆ្នាំ​ ២០៤០​។​ គម្រោង​វា​រី​អគ្គិសនី​ xe​ Pian-Xe​ Nam​ Noy​ មាន​ភាព​ចម្រូងចម្រាស​ចាប់តាំងពី​ការ​ចាប់ផ្តើម​ដំបូង​មក​ម្ល៉េះ​។​ ក្នុង​ឆ្នាំ​ ២០១៣​ អ្នកតស៊ូ​មតិ​សង្គម​ស៊ី​វិល​បាន​គូសបញ្ជាក់​ថា​ គម្រោង​នេះ​បាន​ធ្វើឡើង​ក្រោម​ដំណើរការ​ពិគ្រោះ​យោបល់​ជា​សាធារណៈ​មិន​បាន​ពេញលេញ​គ្រប់គ្រាន់​ មានការ​វាយតម្លៃ​ផល​ប៉ះពាល់​បរិស្ថាន​មិន​ទាន់​មាន​លក្ខណៈ​ល្អ​ (EIA)​ ខ្វះ​ការ​វាយតម្លៃ​ផល​ប៉ះពាល់​ឆ្លង​ដែន​ មិន​ត្រឹមតែ​ប៉ុណ្ណោះ​សុវត្ថិភាព​ផ្នែក​បរិស្ថាន​ និង​សង្គម​ពុំ​បាន​អនុលោម​ទៅ​តាម​បទដ្ឋាន​អន្តរជាតិ​។​

Save the Mekong

ទាញយក៖ pdf