ស្ថានភាពព្រៃឈើនៅតំបន់ឧទ្យានសួនសត្វ និងមជ្ឈមណ្ឌលសង្គ្រោះសត្វព្រៃភ្នំតាម៉ៅ
នៅថ្ងៃទី ០៤ ខែសីហា ឆ្នាំ២០២២ រដ្ឋបាលព្រៃឈើ នៃក្រសួងកសិកម្ម រុក្ខាប្រមាញ់ និងនេសាទ បានចេញសេចក្តីប្រកាសព័ត៌មាន ស្តីពីស្ថានភាពព្រៃឈើនៅតំបន់ឧទ្យានសួនសត្វ និងមជ្ឈមណ្ឌលសង្គ្រោះសត្វព្រៃភ្នំតាម៉ៅ។
រដ្ឋបាលព្រៃឈើបានចេញសេចក្តីប្រកាសព័ត៌មានថា នៅតំបន់ភ្នំតាម៉ៅជាតំបន់ស្ថានីយ៍ស្តារព្រៃឈើ ដែលពោរពេញទៅដោយដីខ្សាច់ ដំណុះឈើមិនមានការលូតលាស់ល្អ ហើយតំបន់នេះនៅក្បែរទីក្រុង ប្រលានយន្តហោះថ្មី និងកៀកតំបន់ទេសចរណ៍ទន្លេបាទី ដូចនេះរាជរដ្ឋាភិបាលសម្រេចធ្វើការអភិវឌ្ឍតំបន់នេះដោយដោះដូរជាថ្នូរនឹងការអភិវឌ្ឍបន្ថែមដល់ឧទ្យានសួនសត្វនិងមជ្ឈមណ្ឌលសង្គ្រោះសត្វព្រៃ កសាងសារមន្ទីរ សួនភូតគាម និងអគារធ្វើការរបស់មន្ត្រីរាជការ ព្រមទាំងសម្ភារៈនានា។
រដ្ឋបាលព្រៃឈើ
