​លទ្ធផល​កិច្ចប្រជុំ​ឧត្តមមន្ត្រី​អាស៊ី​-​អឺរ៉ុប​តាម​រយៈ​ប្រព័ន្ធ​វី​ដេ​អូ​

នៅ​ថ្ងៃ​ទី​ ១២​ ខែ​ កក្កដា​ ឆ្នាំ​ ២០២១​ ក្រសួងការបរទេស​ និង​សហប្រតិបត្តិការ​អន្តរជាតិ​បាន​ចេញ​សេចក្តី​ប្រកាស​ព័ត៌មាន​ស្តី​ពី​ លទ្ធផល​កិច្ចប្រជុំ​ឧត្តមមន្ត្រី​អាស៊ី​-​អឺរ៉ុប​។​

កម្ពុជា​ ក្នុង​នាម​ជា​ម្ចាស់ផ្ទះ​រៀបចំ​កិច្ចប្រជុំ​កំពូល​អាស៊ី​-​អឺរ៉ុប​លើក​ទី​ ១៣​ (ASEM13)​ បាន​ធ្វើ​ជា​សហ​ប្រធាន​ជាមួយ​សហភាព​អឺរ៉ុប​ ដឹកនាំ​កិច្ចប្រជុំ​ឧត្តមមន្ត្រី​អាស៊ី​-​អឺរ៉ុប​ (ASEM​ SOM)​ កាលពី​ថ្ងៃ​ទី​ ០៧​ និង​ថ្ងៃ​ទី​ ០៩​ ខែ​ កក្កដា​ ឆ្នាំ​ ២០២១​ តាម​រយៈ​ប្រព័ន្ធ​វី​ដេ​អូ​។​ កិច្ចប្រជុំ​នេះ​ មានការ​ចូលរួម​ពី​ឧត្ដមមន្ត្រី​នៃ​បណ្ដា​ប្រទេស​ជា​ដៃគូ​ (ASEM)​ ចំនួន​ ៥១​ រូប​ រួម​ទាំង​តំណាង​មក​ពី​សហភាព​អឺរ៉ុប​ លេខាធិការដ្ឋាន​អាស៊ាន​ និង​មូលនិធិ​អាស៊ី​អឺរ៉ុប​ (ASEF)​ ផង​ដែរ​។​ ដោយសារ​តែ​ស្ថានភាព​ជំងឺ​កូ​វី​ដ​-១៩​ កម្ពុជា​នឹង​រៀបចំ​កិច្ចប្រជុំ​កំពូល​អាស៊ី​អឺរ៉ុប​លើក​ទី​ ១៣​ នៅ​ថ្ងៃ​ទី​ ២៥-២៦​ ខែ​ វិច្ឆិកា​ ឆ្នាំ​ ២០២១​ តាម​រយៈ​ប្រព័ន្ធ​វី​ដេ​អូ​។​ កិច្ចប្រជុំ​បាន​ពិភាក្សា​យ៉ាង​លម្អិត​លើ​សេចក្តី​ព្រាង​សេចក្តីថ្លែងការណ៍​ទីក្រុង​ភ្នំពេញ​ ស្ដី​ពី​ការ​ស្ដារ​សេដ្ឋកិច្ច​សង្គម​ឡើង​វិញ​ក្រោយ​ជំងឺ​កូ​វី​ដ​-១៩​ ដែល​វា​នឹង​ក្លាយជា​ឯកសារ​មួយ​ក្នុង​ចំណោម​ឯកសារ​លទ្ធភាព​ដល់​សំខាន់​ចំនួន​ពីរ​ដែល​នឹង​ត្រូវ​អនុម័ត​ក្នុង​កិច្ចប្រជុំ​កំពូល​អាស៊ី​អឺរ៉ុប​លើក​ទី​ ១៣​។​

ក្រសួងការបរទេស និងសហប្រតិបត្តិការអន្តរជាតិ

ទាញយក៖ pdf