កាលបរិច្ឆេទសវនការរបស់សកម្មជនមាតាធម្មជាតិកម្ពុជាត្រូវបានកំណត់
នៅថ្ងៃទី ២៣ ខែ មករា ឆ្នាំ ២០១៨ មជ្ឈមណ្ឌលសិទ្ធិមនុស្សកម្ពុជា បានចេញសេចក្តីប្រកាសព័ត៌មានមួយពីកាលបរិច្ឆេទសវនការរបស់សកម្មជនមាតាធម្មជាតិកម្ពុជា លោក ហ៊ុន វណ្ណៈ និងលោក ឌឹម គុនឌី បានដឹងនូវថ្ងៃសវនការរបស់ខ្លួន បន្ទាប់ពីស្ថិតក្នុងការឃុំខ្លួនបណ្តោះអាសន្នអស់រយៈ ៤ ខែជាង ដោយរងការចោទប្រកាន់ពីបទ “ការរំលោភកម្មសិទ្ធិឯកជន” និង”ការញុះញង់ឱ្យប្រព្រឹត្តបទល្មើស” ក្នុងមាត្រា ៣០២ និង ៤៩៥ នៃក្រមព្រហ្មទណ្ឌនៃព្រះរាជាណាចក្រកម្ពុជា។ សវនាការនេះ នឹងចាប់ផ្តើមនៅម៉ោង ៨ ព្រឹក នៅថ្ងៃទី ២៥ ខែមករា ឆ្នាំ២០១៨ នៅសាលាដំបូងខេត្តកោះកុង។
មជ្ឈមណ្ឌលសិទ្ធិមនុស្សកម្ពុជា
