ការប្រកួតប្រជែងសំណេរយុវជនសម្រាប់ព្រឹត្តិការណ៍ទិន្នន័យបើកទូលាយ ២០២០
ដោយផ្អែកលើបទពិសោធន៍ជោគជ័យពីឆ្នាំមុនៗ ឆ្នាំនេះ អង្គការទិន្នន័យអំពីការអភិវឌ្ឍ (អូឌីស៊ី) មានក្តីសោមនស្សរីករាយនឹងរៀបចំប្រារព្ធ “ទិវាទិន្នន័យទូលាយឆ្នាំ ២០២០” ដែលនឹងប្រព្រឹត្តទៅនៅសប្តាហ៍ទីមួយនៃខែមីនា។ ប្រធានបទឆ្នាំនេះ យើងនឹងផ្តោតទៅលើប្រធានបទសកល “ទិន្នន័យបើកទូលាយដើម្បីការអភិវឌ្ឍដោយស្មើភាព”។ នៅក្នុងព្រឹត្តិការណ៍នេះ អូឌីស៊ីនឹងរៀបចំផងដែរនូវការប្រកួតប្រជែងសំណេរអត្ថបទក្រោមប្រធានបទ “តួនាទីនៃទិន្នន័យបើកទូលាយ និងព័ត៌មានក្នុងការលើកកម្ពស់តម្លាភាព និងគណនេយ្យភាពក្នុងការផ្តល់សេវាសាធារណៈនៅកម្ពុជា” ដើម្បីលើកកម្ពស់ពីសារៈសំខាន់នៃការបើកទូលាយ និងចែកចាយទិន្នន័យ និងព័ត៌មាន រួមគ្នាជាមួយនឹងតម្រូវការដើម្បីបង្កើនការចូលរួមជាសាធារណៈកាន់តែប្រសើរ ពិសេសចូលរួមត្រួតពិនិត្យការផ្តល់សេវាសាធារណៈ ដែលនឹងលើកកម្ពស់តម្លាភាព និងគណនេយ្យភាពនៅក្នុងប្រទេស។
អាស្រ័យហេតុនេះ អូឌីស៊ីសូមគោរពអញ្ជើញយុវជន សិស្សនិស្សិត អ្នកស្រាវជ្រាវ និងយុវជន យុវនារីកម្ពុជាទាំងអស់ចូលរួមការប្រកួតសំណេរដ៏មានសារៈសំខាន់នេះទាំងអស់គ្នា។
- បើកទទួលពាក្យ ៖ ថ្ងៃទី១៧ ខែមករា ឆ្នាំ២០២០
- បិទទទួលអត្ថបទសំណេរ ៖ ថ្ងៃទី១៦ ខែកុម្ភៈ ឆ្នាំ២០២០
- ពន្យារពេលទទួលសំណេររហូតដល់ថ្ងៃទី២៤ ខែកុម្ភៈ ឆ្នាំ២០២០
- ប្រកាសបេក្ខជនជ័យលាភីទាំងបី ៖ ថ្ងៃទី០២ ខែមីនា ឆ្នាំ២០២០
- ទិវាទិន្នន័យបើកទូលាយឆ្នាំ២០២០ ៖ ថ្ងៃទី០៧ ខែមីនា ឆ្នាំ២០២០
សូមចុចលើពាក្យ PDF ខាងក្រោម ដើម្បីទាញយកព័ត៌មានទាំងស្រុងអំពីលក្ខខណ្ឌ និងបែបបទនៃការចូលរួមប្រកួត។
អង្គការទិន្នន័យអំពីការអភិវឌ្ឍ
