អតីតសមាជិកបក្សប្រឆាំងដែលត្រូវកោះហៅដោយតុលាការនិងប៉ូលិសឡើងដល់១៤០នាក់
មន្ត្រីស៊ើបអង្កេតជាន់ខ្ពស់របស់អង្គការឃ្លាំមើលសិទ្ធិមនុស្សមួយរូបបានឲ្យដឹងនៅថ្ងៃព្រហស្បតិ៍នេះថា រហូតមកទល់ពេលនេះមានអតីតមន្ត្រីគណបក្សសង្គ្រោះជាតិចំនួន១៤០នាក់ហើយត្រូវបានកោះហៅដោយតុលាការនិងដោយប៉ូលិស។ លោក អំ សំអាត ប្រធានការិយាល័យបច្ចេកទេសស៊ើបអង្កេតអង្គការសិទ្ធិមនុស្សលីកាដូ បានបញ្ជាក់ឲ្យ VOA ដឹងថា ក្នុងចំណោមសកម្មជននយោបាយទាំងនោះ តុលាការខេត្តបាត់ដំបងកោះហៅ៣៥នាក់ នគរបាលខេត្តកំពង់ធំកោះហៅ៣៥នាក់ នគរបាលខេត្តកណ្តាលកោះហៅ៣៦នាក់ តុលាការកំពង់ស្ពឺកោះហៅ៦នាក់ នគរបាលខេត្តបន្ទាយមានជ័យកោះហៅ៨នាក់ នគរបាលកំពង់ឆ្នាំងចាប់ខ្លួនម្នាក់ និងកោះហៅម្នាក់ តុលាការខេត្តកំពតកោះហៅម្នាក់ និងនគរបាលកោះហៅ៣នាក់ និងនគរបាលខេត្តត្បូងឃ្មុំកោះហៅពីរនាក់។ …
