ជនជាប់ឃុំ ៦ នាក់រត់ចេញពីគុក ខេត្តរតនគិរី
ជនជាប់ចោទ ៦ រូប បានរត់គេចខ្លួនបាត់និងម្នាក់ត្រូវប្រធានគុកចាប់បានវិញ ក្រោយពីពួកគេបានលួចកាត់ចម្រឹងដែកបន្ទប់ឃុំឃាំងក្នុងពន្ធនាគារ ខេត្តរតនគិរី លួចរត់កាលពីម៉ោង ៣ ទៀបភ្លឺព្រឹកថ្ងៃ ទី២៣ តុលា។ នេះជាលើក ទី៤ ក្នុងអំឡុង ២ ឆ្នាំចុងក្រោយនេះដែលមានអ្នកទោសរួចខ្លួនតាមវិធីនេះ។ គេហទំព័រនគរបាលជាតិប្រកាសថា នគរបាល ក្រុងបានលុង កំពុង «ស្រាវជ្រាវតាមចាប់» ជនទាំង ៦ នាក់ដែលរត់គេចខ្លួន មានឈ្មោះ ស៊ី ណូយ ឈ្មោះ ចាន់ សារស់ ឈ្មោះ លឹម ស៊ីថា ឈ្មោះ អ៊ិន ចាន់ធូ ឈ្មោះ លាស់ សារ៉េត និងឈ្មោះ អ៊ុក សុភាព ដែលអ្នកទាំងនេះខ្លះជាប់ចោទពីបទជួញដូរគ្រឿងញៀន និងបទលួច ហើយត្រូវបានចាប់ខ្លួននៅ ឆ្នាំ២០១៣ និងចុងក្រោយគេចាប់ខ្លួននៅ ខែកញ្ញា ឆ្នាំ២០១៤ នេះ។ …
ឆាយ ច័ន្ទនីដា
http://bit.ly/102Bfat
