ក្រុមភាគហ៊ុនិកត្រូវការចម្លើយពីធនាគារ ANZ

ថ្ងៃទី ២៤ ខែមករា ឆ្នាំ២០១៤
ភ្នំពេញប៉ុស្តិ៍
គោលនយោបាយ និងការគ្រប់គ្រងវិស័យកសិកម្ម / សេវាកម្មធនាគារ និងហិរញ្ញវត្ថុ / ពលកម្មកុមារ / គោលនយោបាយ និងការគ្រប់គ្រងសេដ្ឋកិច្ច / សេដ្ឋកិច្ច និងពាណិជ្ជកម្ម / សិទ្ធិមនុស្ស / ច្បាប់និងសន្ធិសញ្ញាអន្តរជាតិ / ការវិនិយោគ / ពលកម្ម / ច្បាប់ និងប្រព័ន្ធតុលាការ / ការអភិវឌ្ឍសង្គម / ស្ករ / ពាណិជ្ជកម្ម / គោលនយោបាយ និងបទប្បញ្ញត្តិស្តីពីពាណិជ្ជកម្ម
ធនាគារ អេ អ៊ិន ហ្ស៊ិត រ៉ូយ៉ាល់ / ជំនួយពីប្រទេសអូស្ត្រាលី / អាយ អ៊ី អ៊ែម / ការគ្រប់គ្រងបរិស្ថានអន្តរជាតិ / លី យ៉ុងផាត់ / ម៉ាក ហ្ស៊ីនសាក / ក្រុមហ៊ុនស្ករសភ្នំពេញ / ក្រុមហ៊ុន រីស្ពនស៊ីបល អ៊ិនវេសមេន អាសូស៊ីអេហ្សិន អូស្រ្តាលី / អារ អាយ អេ អេ / ក្រុមហ៊ុន រ៉ូយ៉ាល់ គ្រុប / សាយមិន អូខននើ / ក្រុមហ៊ុន យូណាយធីង ឈើជ

សមាគមវិនិយោគអូស្ត្រាលី Responsible Investment Association Australia (RIAA) បានឲ្យដឹងកាលពីថ្ងៃព្រហស្បតិ៍ថា ក្រុមភាគហ៊ុនិកនឹងត្រូវការចម្លើយពីធនាគារ ANZ បន្ទាប់ពីគេរកឃើញកាលពីសប្តាហ៍មុននេះថា ក្រុមហ៊ុនបណ្តាក់ទុនរួមគ្នានៅកម្ពុជារបស់ធនាគារមួយនេះបានផ្តល់ហិរញ្ញប្បទានដល់ចម្ការអំពៅដ៏ចម្រូងចម្រាសរបស់សមាជិកសភា គណបក្សកាន់អំណាចគឺលោក លី យ៉ុងផាត់។ របាយការណ៍សវនកម្មបរិស្ថាន ដែលកាសែត ភ្នំពេញ ប៉ុស្តិ៍ ទទួលបានកាលពីថ្ងៃអង្គារសប្តាហ៍មុនបានភ្ជាប់ទំនាក់ទំនងរវាងធនាគារ ANZ Royal ដែលជាក្រុមហ៊ុនបណ្តាក់ទុនរួមគ្នាជាមួយនឹងក្រុមហ៊ុន Royal Group របស់កម្ពុជា ទៅនឹងក្រុមហ៊ុន ស្ករសភ្នំពេញ របស់លោក លី យ៉ុងផាត់ ដែលមានរឿងអាស្រូវដ៏ធំពាក់ព័ន្ធនឹងការបណ្តេញពលរដ្ឋចេញពីដីដោយបង្ខំ និងពលកម្មកុមារ។ ឯកសារដែលមានរបាយការណ៍សវនកម្មពីរ ផ្តួចផ្តើមឡើងដោយធនាគារ ANZ Royal និងរៀបចំឡើងដោយអង្គការគ្រប់គ្រងបរិស្ថានអន្តរជាតិ (IEM) បានបង្ហាញថា ក្រុមហ៊ុន ស្ករសភ្នំពេញ មិនអើពើនឹងអនុសាសន៍ ៦០ ភាគរយនៃអនុសាសន៍របស់អង្គការ IEM ស្តីពីបញ្ហាផ្សេងៗ រួមទាំងសុខភាព និងសុវត្ថិភាពរបស់បុគ្គលិកកម្មករផងដែរ។ …

 Daniel de Carteret
http://postkhmer.com/business/business/109765--anz