អ្នកក្រុង ស្វាយរៀង បារម្ភក្រុមហ៊ុន ចិន ឈូសដីលុបអូរ
ប្រជាពលរដ្ឋជាង ១០០ គ្រួសារនៅភូមិ ស្វាយតឿ ក្រុង ស្វាយរៀង បានបង្ហាញក្តីបារម្ភជាថ្មីទៀត បន្ទាប់ពីបានធ្វើការតវ៉ាជំទាស់ទៅនឹងក្រុមហ៊ុនចិន តាំង ម៉េងលាង ដែលចាក់ដីលុបអូរក្នុងភូមិតែមិនឃើញអាជ្ញាធរអន្តរាគមន៍ដោះស្រាយយ៉ាងណាសោះជាងពីរខែមកហើយនោះ។ លោក សុខ តាន់ អ្នកតវ៉ាក្នុងចំណោម ១៣៥ គ្រួសារនៅភូមិ ស្វាយតឿ ឲ្យដឹងថា ក្រុមហ៊ុនចិន តាំង ម៉េងលាង បានទិញដីក្នុងភូមិ-សង្កាត់ ស្វាយតឿ ក្រុង ស្វាយរៀង ជាង ១០០ ហិកតា មិនដឹងថាយកទៅធ្វើអ្វីទេ ប៉ុន្តែ ក្រុមហ៊ុនបានមកឈូសដីលុបអូរក្នុងភូមិនេះពីរខែហើយ។ លោកបន្តថា ក្រុមហ៊ុនចិននោះបានឈូសដីលុបអូរស្ទើរបាត់សភាពដើមអស់ទៅហើយ បើទោះជាពលរដ្ឋដាក់បណ្តឹងទៅអាជ្ញាធរគ្រប់ជាន់ថ្នាក់រហូតមានស្នាមមេដៃអ្នកតវ៉ាប្តឹងទៅតំណាងរាស្រ្តលោកស្រី ម៉ែន សំអន និងលោកស្រី ដួង វណ្ណា ខាងគណបក្សប្រជាជនកម្ពុជា ក៏នៅតែគ្មានចម្លើយតបដែរ។ …
គឹម សារម្យ
http://www.postkhmer.com/national/1-national-news/111330-2014-03-03-02-19-51
