ពលរដ្ឋកម្ពុជារកស៊ីតាមព្រំដែនជួបបញ្ហាជីវភាពពេលថៃរឹតបន្តឹង
កាន់ក្រដាសសមួយផ្ទាំងដែលមានឈ្មោះមនុស្សចំនួន ១០ នាក់ជំនួសឲ្យការទិញសំបុត្រដោយបង់ថ្លៃ ១០ បាតដើម្បីឆ្លងដែនចូលផ្សារព្រំដែន ប្រទេសថៃ ទិញនិងដឹកជញ្ជូនទំនិញនោះ ត្រូវបានរឹតបន្តឹង បន្ទាប់ពីព្រឹត្តិការណ៍រដ្ឋប្រហាររដ្ឋាភិបាលចាំផ្ទះថៃដោយរបបយោធាកាលពីថ្ងៃ ទី២២ ខែឧសភា មក។ អង្គុយលើម៉ូតូដែលមានកន្ទុយរឺម៉កសម្រាប់ដឹកទំនិញក្រោមកំដៅថ្ងៃក្តៅហែង លោក ឌួង សាវ៉ាន់ អាយុ ៤៥ឆ្នាំ ដែលជាអ្នកឆ្លងចូលទឹកដីថៃដឹកទំនិញឲ្យគេតាមច្រក អូរស្មាច់ នោះបានឲ្យដឹងថា បច្ចុប្បន្ននេះខាងភាគីថៃគេរឹតបន្តឹងសន្តិសុខខ្លាំងជាងមុន បន្ទាប់ពីរដ្ឋប្រហារយោធា។ ពលរដ្ឋកម្ពុជាដែលប្រកបរបរនៅតាមជាយដែនដែលធ្លាប់តែឆ្លងចូលដោយបង់តែ ១០ បាតនោះឥឡូវត្រូវធ្វើសំបុត្រមួយដែលអាចចូលបានគ្នា ១០នាក់ ហើយត្រូវត្រឡប់ចូលទឹកដីកម្ពុជាវិញមុនម៉ោង ៥ ល្ងាច។ លោកបានថ្លែងឲ្យដឹងថា៖ «ពួកយើងជាអ្នកដឹកបន្លែយ៉ាប់ណាស់ចំពោះស្ថានភាពបច្ចុប្បន្ននេះ យើងចូលទៅគេត្រួតពិនិត្យយើង ៤ កន្លែងហើយនៅពេលចូលវិញ គេហៅឈ្មោះ បើយើងអត់មានឈ្មោះគេចាប់មិនឲ្យចូលទឹកដីយើងវិញទេ»។ …
ម៉ៃ ទិត្យថារ៉ា
http://bit.ly/1kEiSLB
