តំណាងរាស្ត្របក្សប្រឆាំងប្តឹងអភិបាលរងខណ្ឌដូនពេញ
លោក លឹម គីមយ៉ា តំណាងរាស្រ្តជាប់ឆ្នោត របស់គណបក្សប្រឆាំង បានដាក់ពាក្យបណ្តឹងទៅសាលាដំបូងរាជធានីភ្នំពេញ កាលពីព្រឹកម្សិលមិញ ប្រឆាំងនឹងមន្រ្តីរដ្ឋាភិបាល ដែលលោកអះអាងថា បានដឹកនាំការវាយប្រហារនៅទីលានប្រជាធិបតេយ្យ កាលពីថ្ងៃចន្ទ សប្តាហ៍មុន។ លោក ឃិត ឃី មេធាវីគណបក្សសង្គ្រោះជាតិ បានប្រាប់ ភ្នំពេញ ប៉ុស្តិ៍ ថា លោក គឹមយ៉ា ទាមទារសំណងចំពោះការវាយប្រហារ ដែលលោកបានអះអាងថា បានបញ្ជាដោយលោក សុខ ពេញវុធ អភិបាលរង ខណ្ឌដូនពេញ។ លោក គឹមយ៉ា ត្រូវបានគេវាយចំមុខក្នុងអំឡុងអំពើហិង្សានោះ។ «ខ្ញុំបានដាក់ពាក្យបណ្តឹងជួសលោក គឹមយ៉ា ដែលចោទប្រកាន់លោក សុខ ពេញវុធ និងជនសមគំនិត គឺបុរសពាក់ឯកសណ្ឋានពណ៌ខៀវថា បានប្រើអំពើហិង្សាមកលើរូបគាត់។ គាត់ទាមទារសំណង ១ ម៉ឺនដុល្លារ»។ ប្រសិនបើតុលាការចាត់ការរឿងក្តីនេះ បទចោទប្រកាន់ពីការប្រើអំពើហិង្សាដោយចេតនា អាចមានទោសរហូតដល់ ៥ ឆ្នាំ។ លោកបន្ថែមថា ជនរងគ្រោះបួននាក់ផ្សេងទៀត ក៏បានជួបជាមួយនឹងលោក ឃី កាលពីម្សិលមិញផងដែរ ហើយបានត្រៀមដាក់ពាក្យបណ្តឹងនៅប៉ុន្មានថ្ងៃទៀត។ …
ឆាយ ច័ន្ទនីដា និង Alice Cuddy
http://www.postkhmer.com/national/1-national-news/113580-2014-04-29-02-46-53
