កម្លាំងសន្តិសុខខណ្ឌដូនពេញប៉ះទង្គិចជាមួយអ្នកតវ៉ាដោយសារមានការចាប់យកស្គររបស់ពួកគាត់
សកម្មជននយោបាយពីរនាក់បានរងរបួសដោយសារកម្លាំងសន្តិសុខខណ្ឌនៅខាងក្រៅសាលាខណ្ឌដូនពេញកាលពីព្រឹកម្សិលមិញ បន្ទាប់ពីការតវ៉ាសុំឲ្យដោះលែងអ្នកជាប់ឃុំទាំង២១នាក់ដែលត្រូវបានវាយដំ និងឃុំខ្លួនក្នុងពន្ធនាគារនៅពេលធ្វើកូដកម្មកាលពីខែមករានោះ បានទៅទាមទារយកស្គរដែលត្រូវបានរឹបអូសអំឡុងការតវ៉ានោះមកវិញ។ ក្រុមអ្នកតវ៉ាដែលស្លៀកពាក់ស និងកាន់បដាតូចៗមានសរសេរឈ្មោះអ្នកជាប់ឃុំទាំង២១នាក់ដែលកំពុងត្រូវឃុំខ្លួននៅពន្ធនាគារដែលមានសន្តិសុខតឹងរឹុងក្នុងខេត្តកំពង់ចាមនោះ បានធ្វើការតវ៉ានៅខាងមុខតុលាកំពូលទាមទារឲ្យដោះលែងអ្នកជាប់ឃុំទាំងនេះ។ ដោយលោកនាយករដ្ឋមន្ត្រី ហ៊ុន សែន អញ្ជើញមកចូលរួមកិច្ចប្រជុំនៅសាលសន្និសីទចតុមុខក្បែរនោះ វត្តមានកម្លាំងសន្តិសុខជាច្រើនបានប៉ះទង្គិចជាមួយក្រុមអ្នកតវ៉ាដែលមានគ្នាចំនួនប្រហែល១៥០នាក់។ កម្លាំងសន្តិសុខខណ្ឌដូនពេញមួយក្រុមពាក់មួកការពារសុវត្ថិភាពពណ៌ខ្មៅបានចាប់យកស្គរដែលក្រុមអ្នកតវ៉ាបានវាយខ្លាំងៗ។ …
