លោក សម រង្ស៊ី ​​​​ប្រធាន​គណបក្ស​​​ប្រឆាំង​គូស​បញ្ជាក់​​ម្ដង​ទៀត​​​ថា បក្ស​​លោក​​​​អាច​នឹង​រឹបអូស​​ដី​ធ្លី​

កាលពី​ចុង​សប្ដាហ៍​កន្លង​ទៅ​ លោក សម រង្ស៊ី ប្រធាន​​គណបក្ស​ប្រឆាំង ​​​បាន​​លើក​ឡើង​​ជា​ថ្មី​ម្ដង​ទៀត​​អំពី​​លទ្ធភាព​ដែល​​រដ្ឋាភិបាល​​​អនាគត​របស់​គណបក្ស​​សង្គ្រោះ​ជាតិ​ អាច​​នឹង​​ធ្វើ​ការ​បែង​​ចែក​ឡើង​វិញ​​នូវ​​​​ដី​ដែល​​​រឹប​អូស​បាន​ពី​អ្នក​មាន​​ឲ្យ​ទៅ​​អ្នក​​​ក្រ ដើម្បី​កែ​តម្រូវ​ករណី​ចាប់​យក​ដីធ្លី​​​ក្រោម​របប​ដឹកនាំ​របស់​លោក​នាយករដ្ឋមន្ត្រី ហ៊ុន សែន​។

កាលពី​សប្ដាហ៍​មុន លោក ហ៊ុន សែន បាន​​​លើក​ឡើង​ថា ​គណបក្ស​សង្គ្រោះ​ជាតិ ​អាច​នឹង​បង្ក​ឲ្យ​មាន​សង្គ្រាម​ស៊ីវិល​​តាម​រយៈ​ការ​​រឹប​អូស​ដីធ្លី​ពី​ “​​សត្រូវ​វណ្ណៈ​​” របស់​ខ្លួន ប្រសិន​បើ​ខ្លួន​ឈ្នះ​ការ​បោះ​ឆ្នោត​ជ្រើស​តាំង​តំណាង​​រាស្ត្រ​ឆ្នាំ​២០១៨។ ប៉ុន្តែ​លោក សម រង្ស៊ី ​បាន​​​ឆ្លើយ​តប​ទៅ​វិញ​​ថា ការ​រឹប​​អូស​​​​ដី​ធ្លី​ដែល​លួច​ប្លន់​ពី​ប្រជាពលរដ្ឋ​ នឹង​ត្រូវ​​បង្គាប់​ដោយ​តុលាការ​​ឯករាជ្យ​​តែ​មួយ​គត់​។

ថ្លែង​​នៅ​ឯ​វេទិកា​សាធារណៈ​មួយ​ក្នុង​ស្រុក​​​បាធាយ ខេត្ត​កំពង់ចាម កាលពី​ថ្ងៃ​សៅរ៍ លោក​ ​​សម រង្ស៊ី បាន​សន្យា​ថា ​អ្នក​​ដែល​បាន​​ក្លាយ​ជា​ជន​រងគ្រោះ​ដោយ​សារ​ការ​ចាប់​យក​ដីធ្លី​យ៉ាង​រាល​ដាល​ក្រោម​ការ​ឃ្លាំ​មើល​របស់​លោក ហ៊ុន សែន ​នឹង​ទទួល​បាន​ដី​​ធ្លី​របស់​ខ្លួន​វិញ​ក្រោម​ឋានៈ​លោក​ជា​នាយក​រដ្ឋមន្ត្រី​។ …

ម៉ិច ដារ៉ា និង អេឡិក វិល្លីមមីនស៍
http://www.cambodiadailykhmer.com/news/27782/