សហគមន៍ និងអាជ្ញាធរ អំពាវនាវឲ្យចូលរួមអភិរក្សព្រៃឈើ និងសត្វព្រៃ
សហគមន៍ព្រៃសង្ឃរុក្ខវ័ន និងអាជ្ញាធរពាក់ព័ន្ធក្នុងខេត្តឧត្តរមានជ័យកាលថ្ងៃ ២ កុម្ភៈ បានអំពាវនាវដល់ពលរដ្ឋទាំងក្នុង និងក្រៅប្រទេសឲ្យចូលរួមការពារ និងអភិរក្សព្រៃឈើ និងសត្វព្រៃទាំងអស់គ្នាដើម្បីប្រយោជន៍ជាតិទាំងពេលបច្ចុប្បន្ន និងអនាគត។ នៅក្នុងពិធីប្រារព្ធខួបទី ១៩ នៃការបង្កើតទីស្នាក់ការកណ្ដាលនៃសហគមន៍ព្រៃសង្ឃរុក្ខវ័នដែលបានប្រព្រឹត្តទៅកាលពីថ្ងៃអាទិត្យ ព្រះតេជគុណ ប៊ុន សាលួត មេគណខេត្តឧត្តរមានជ័យ និងជាប្រធានសហគមន៍ព្រៃសង្ឃរុក្ខវ័នមានសង្ឃដីកាថា មានបញ្ហាប្រឈមចំនួន ៤ ដែលជាឧបសគ្គក្នុងកិច្ចការពារ និងអភិរក្សធនធានធម្មជាតិក្នុងតំបន់ដែនជម្រកសត្វព្រៃសង្ឃរុក្ខវ័នក្នុងនោះរួមមាន បញ្ហាភ្លើងឆេះព្រៃ ការដកហូតព្រៃឈើ ការបរបាញ់សត្វព្រៃ និងការនេសាទត្រីក្នុងតំបន់ការពារ និងអភិរក្សដោយខុសច្បាប់។
ឃុត សុភចរិយា
https://bit.ly/391JAz9
