រដ្ឋាភិបាល​​​បន្ត​​​ពន្យារ​​​ពេល​​​មិន​​ឲ្យ​​​អង្គការ​​​សហប្រជាជាតិ​​​ជួប​​​ជាមួយ​​​​​​ជន​​​ជាតិ​​​ភាគ​​​តិច​​​ម៉ុង​​​តាញ៉ា​​​

ការ​​​ខំប្រឹង​​​ប្រែង​​​របស់​​​អង្គការ​​​សហប្រជា​​​ជាតិ​​​ដើម្បី​​​កំណត់​​​ទី​​​តាំង​​​របស់​​​ក្រុម​​​ជន​​​ជាតិ​​​ភាគ​​​តិច​​​ម៉ុង​​​តាញ៉ា ដែល​​​កំពុង​​​លាក់​​​ខ្លួន​​​នៅ​​​​​​ក្នុង​​​ខេត្ត​​​រតន​​​គិរី​​​ ​​​ត្រូវ​​​បាន​​​អាក់​​​ខាន​​​បន្ត​​​ទៀត​​​កាល​​​ពី​​​ម្សិល​​​មិញ​​​ ដោយ​​​សារ​​​​​​អភិបាល​​​ខេត្ត​​​​​​មិន​​​អាច​​​ជួប​​​ជាមួយ​​​គណៈ​​​ប្រតិភូ​​​របស់​​​ខ្លួន​​​សា​​​ជា​​​ថ្មី​​​​​ ពោល​​​​​​គឺ​​​បួន​​​ថ្ងៃ បន្ទាប់​​​ពី​​​អង្គការ​​​សហប្រជា​​​ជាតិ​​​បាន​​​ធ្វើ​​​ដំណើរ​​​ទៅ​​​ខេត្ត​​​​​ដែល​​​នៅ​​​ភាគ​​​ឦសាន​​​មួយ​​​នេះ។

ទោះ​​​បី​​​ជា​​​​​​​​​​​​គណៈ​​​ប្រតិភូ​​​អង្គការ​​​សហ​​​ប្រជា​​​ជាតិ​​​រំពឹង​​​ថា ខ្លួន​​​នឹង​​​បាន​​​ជួប​​​ជា​​​មួយ​​​លោក ថោង សាវុន អភិបាល​​​ខេត្ត​​​រតនគិរី​​​ កាល​​​ពីម្សិល​​​មិញ​​​ក្តី តែ​​​លោក​​​ស្រី Wan-Hea Lee តំណាង​​​ប្រចាំ​​​ប្រទេស​​​របស់​​​ការិយាល័យ​​​ឧត្តម​​​ស្នង​​​ការ​​​អង្គការ​​​សហប្រជា​​​ជាតិ​​​ទទួល​​​បន្ទុក​​​សិទ្ធិ​​​មនុស្ស​​​បាន​​​លើក​​​ឡើង​​​ថា លោក​​​ ថោង សាវុន មិន​​​បាន​​​នៅ​​​ក្នុង​​​ខេត្ត​​​រតនគិរីទេ​​​ ថ្វី​​​បើ​​​អភិបាល​​​ខេត្ត​​​រូប​​​នេះ​​​បាន​​​ជូន​​​ដំណឹង​​​ដល់​​​អ្នក​​​យក​​​ព័ត៌​​​មាន​​​កាល​​​ពី​​​ថ្ងៃ​​​អាទិត្យ​​​ថា លោក​​​កំពុង​​​ធ្វើ​​​ដំណើរ​​​មក​​​កាន់​​​ខេត្ត​​​នេះ​​​វិញ​​​ក្តី​​​។ …

 អូន ភាព និង ហ្ចច រ៉ាយត៍
http://www.cambodiadailykhmer.com/news/21280/