រដ្ឋាភិបាលនិងក្រុមហ៊ុនរងផលប៉ះពាល់ដោយសារការធ្វើសេចក្តីរាយការណ៏ពីការបង្ក្រាបកូដកម្ម
មន្ត្រីរដ្ឋាភិបាលជាន់ខ្ពស់និងតំណាងក្រុមហ៊ុនសំលៀកបំពាក់លំដាប់ពិភពលោកដែលបានចូលរួមកិច្ចប្រជុំមួយ នៅក្នុងរាជធានីភ្នំពេញ កាលពីថ្ងៃពុធ សុទ្ធតែបានលើកឡើងពីក្តីបារម្មណ៏ចំពោះសេចក្តីរាយការណ៏របស់ប្រព័ន្ធផ្សព្វផ្សាយអំពីការបង្ក្រាបបង្ហូរឈាមកាលពីខែមុនលើកូដកម្មទូទាំងប្រទេសរបស់កម្មកររោងចក្រកាត់ដេរ និងក្រោយកូដកម្មនោះមកទៀត។ កិច្ចប្រជុំនេះត្រូវបានធ្វើឡើង បន្ទាប់ពីក្រុមហ៊ុនសំលៀកបំពាក់អន្តរជាតិមួយក្រុមដែលទទួលទិញសំលៀកបំពាក់ពីរោងចក្រនានា នោក្នុងប្រទេសកម្ពុជា បានស្នើអោយមានការពិភាក្សាពាក់ព័ន្ធនឹងការបង្ក្រាបហិង្សា និងបង្ហូរឈាមលើកូដកម្មខាងលើ ដែលនៅក្នុងនោះកម្មករប្រាំអ្នកត្រូវបានកងរាជអាវុធហត្ថប្រដាប់ដោយកាំភ្លើង AK-47 បាញ់ស្លាប់ និងរបួសព្រមទាំងមនុស្សជាង ២០ នាក់ទៀតត្រូវជាប់ពន្ធធនាគារ។ ប្រធានបទនៃការធ្វើបទបង្ហាញពាក់ព័ន្ធ នឹងប្រព័ន្ធផ្សព្វផ្សាយដែលបានធ្វើសេចក្តីរាយការណ៏អំពីការបង្ក្រាបនេះ ត្រូវបានលើកឡើងដោយលោកស៊ុន ចាន់ថុល រដ្ឋមន្ត្រីក្រសួងពាណិជ្ជកម្ម ដែលបានថ្លែងក្នុងកិច្ចប្រជុំនេះ ដែលមានការចូលរួមពីតំនាងរបស់ក្រុមហ៊ុន H&M ក្រុមហ៊ុន Gap និង Puma ផងដែរថា រដ្ឋាភិបាលគ្មានលទ្ធភាពការពារខ្លួន ពីការធ្វើសេចក្តីរាយការណ៍របស់ប្រព័ន្ធផ្សព្វផ្សាយអំពីការបង្ក្រាបរបស់ខ្លួនលើកូដកម្មនេះ។ … តំណាងក្រុមហ៊ុនសម្លៀកបំពាក់ទាំង នេះក៏បានលើកឡើងពីបញ្ហាធ្វើសេចក្តីរាយការណ៍ព័ត៌មានអំពីការបង្ក្រាបដោយកងកម្លាំងប្រដាប់អាវុធរបស់រដ្ឋាភិបាលលើកូដកម្មនេះដែរ ហើយបានចោទសួរថា តើវាឆ្លុះ បញ្ចាំងពីស្ថានភាពទាំងមូលនៅក្នុងប្រទេសកម្ពុជា ឬយ៉ាងណា”។ …
Alex Willemyns និង អូន ភាព
http://www.cambodiadailykhmer.com/news/11046/
