ឥណ្ឌូណេស៊ី ពិចារណាទិញអង្ករពីកម្ពុជា បើតម្លៃមានភាពប្រកួតប្រជែង
ប្រទេសឥណ្ឌូណេស៊ីនឹងពិចារណាទិញអង្ករពីកម្ពុជាបើសិនជាតម្លៃអង្ករកម្ពុជាមានភាពប្រកួតប្រជែងជាងតម្លៃបច្ចុប្បន្នបើធៀបនឹងប្រទេសជិតខាងដូចជា ប្រទេសថៃ និងវៀតណាម។នេះបើយោងទៅតាមការអះអាងរបស់លោកអគ្គរដ្ឋទូតឥណ្ឌូណេស៊ីប្រចាំកម្ពុជាបានឲ្យដឹងបន្ទាប់ពីការបើកសម្ពោធពិព័រណ៍ពាណិជ្ជកម្ម និងទេសចរឥណ្ឌូណេស៊ី កាលពីថ្ងៃសុក្រសបា្តហ៍មុននេះ។ លោក Pitono Purnomo អគ្គរដ្ឋទូតសាធារណរដ្ឋឥណ្ឌូណេស៊ី ប្រចាំព្រះរាជាចក្រកម្ពុជា បានឲ្យដឹងថា កម្ពុជា និងឥណ្ឌូណេស៊ី បានចុះកិច្ចព្រមព្រៀងកាលពីឆ្នាំ២០១២ លើការនាំចូលអង្ករពីកម្ពុជា ក្នុងប្រមាណ ១០ម៉ឺនតោនក្នុងមួយឆ្នាំ។ លោកបន្តថា រហូតមកដល់ពេលនេះការចរចារវាងកម្ពុជា និងឥណ្ឌូណេស៊ី មិនបានផ្តល់នូវចំណុចវិជ្ជមាននៅឡើយទេ នេះដោយសារតែអង្ករកម្ពុជា មានតម្លៃខ្ពស់។ លោកបន្ថែមថា ប្រទេសឥណ្ឌូណេស៊ី ជាប្រទេសដ៏ធំមួយក្នុងការហូបអង្ករ ហើយឥណ្ឌូណេស៊ី មិនត្រឹមតែទិញអង្ករយកមកបរិភោគទេ តែជាតម្រូវការបន្ថែមក្នុងការរក្សាស្ថិរភាពស្តុក និងតម្លៃ។ ...
សុខ ចាន់
http://bit.ly/2cOuujG