រដ្ឋាភិបាលដកហូតដីសម្បទានពីក្រុមហ៊ុនចំនួន ៧
រដ្ឋាភិបាលបានសម្រេចលុបចោលនិងដកហូតដីសម្បទានសេដ្ឋកិច្ច ពីក្រុមហ៊ុនចំនួន ៧ លើផ្ទៃដីជាង ១ ម៉ឺនហិកតា ដែលស្ថិតនៅក្នុងតំបន់ឧទ្យានជាតិ នៅក្នុងខេត្តបីដោយសារតែក្រុមហ៊ុនមិនបានធ្វើការអភិវឌ្ឍលើដីទាំងនោះ។ …
ក្រុមហ៊ុនទាំងនោះ រួមមាន ក្រុមហ៊ុន វិមានសិលា អិលធីឌី មានផ្ទៃដី ៩៨៧ ហិកតា នៅ ខេត្តព្រះសីហនុ ក្រុមហ៊ុន ស៊ាន ហេង អ៊ិនវេសមេន មានផ្ទៃដីសរុប ១៣៣៨ ហិកតា នៅ ខេត្តព្រះសីហនុ ក្រុមហ៊ុន Blue Metro មានផ្ទៃដី ៣៥០ ហិកតា ក្នុង ខេត្តព្រះសីហនុ ក្រុមហ៊ុន ហេង ប៊ុនណាត ខូអិលធីឌី ក្រុមហ៊ុន ស៊ាន់ វឌ្ឍនៈ ខូអិលធីឌី មានផ្ទៃដី ៥៨៥ ហិកតាក្នុង ខេត្តកំពង់ស្ពឺ និង កោះកុង ក្រុមហ៊ុន ច័ន្ទរតន៍ គ្រុប មានផ្ទៃដី ៦៣ ហិកតានៅ ខេត្តកោះកុង និងក្រុមហ៊ុន ឋានសួគ៌ ចំកាត់ មានផ្ទៃដី ៩១៣៧ ហិកតាក្នុង ខេត្តកោះកុង។ ដីដែលបានធ្វើសម្បទានដល់ក្រុមហ៊ុនទាំងនោះ និងបានសម្រេចដកហូតវិញនេះគឺស្ថិតក្នុងតំបន់ឧទ្យានជាតិ ព្រះសីហនុ រាម ឧទ្យានជាតិ ព្រះមុនីវង្ស បូកគោ ឧទ្យានជាតិ សុរាម្រិត-កុសុមៈ និងឧទ្យានជាតិ បទុមសាគរ ជាដើម ហើយត្រូវប្រគល់ឲ្យក្រសួងបរិស្ថានគ្រប់គ្រងវិញ។ …
ផាក់ ស៊ាងលី
http://bit.ly/1rhNVQQ
