ក្រសួងនឹងដាក់កម្មវិធីសិក្សាបញ្ចូលគ្នាកុមារពិការជាមួយសិស្សធម្មតា
មន្ត្រីជាន់ខ្ពស់ក្រសួងអប់រំ យុវជន និងកីឡា បានឲ្យដឹងថា ក្រសួងគ្រោងនឹងដំណើរការកម្មវិធីសិក្សាអប់រំបញ្ចូលគ្នារវាងកុមារពិការជាមួយសិស្សធម្មតា នៅតាមសាលារៀនរដ្ឋនៅទូទាំងប្រទេស នាដើមឆ្នាំ២០១៧ ខាងមុខ ដើម្បីឲ្យកុមារពិការអាចទទួលបានការអប់រំស្មើភាពគ្នាដូចនឹងកុមារមិនពិការ។ រដ្ឋលេខាធិការក្រសួងអប់រំ យុវជន និងកីឡា លោក អ៊ឹម កុច ត្រូវបានទីភ្នាក់ងារសារព័ត៌មានកម្ពុជា (AKP) ស្រង់សម្ដីក្នុងវេទិកាថ្នាក់ជាតិលើកទី៥ ស្ដីពីការអប់រំបរិប័ន្ន កាលពីថ្ងៃទី០៨ ខែធ្នូ នៅសណ្ឋាគារភ្នំពេញ បានថ្លែងថា ក្រសួងកំពុងបណ្តុះបណ្តាលគ្រូលើការបង្រៀនស្ដីពីពិការភាព ដើម្បីត្រៀមអនុវត្តកម្មវិធីសិក្សាអប់រំបញ្ចូលគ្នារវាងកុមារពិការ ជាមួយសិស្សធម្មតានៅឆ្នាំក្រោយហើយក្រសួងក៏បានត្រៀមថវិកាប្រមាណ ២៥០លានរៀល ដើម្បីរៀបចំធ្វើសៀវភៅ និងកម្មវិធីសិក្សា និងប្រាក់ខែគ្រូបង្រៀនពិការភាព ដើម្បីជួយគាំទ្រ និងទ្រទ្រង់ដំណើរការជំហានដំបូងនេះ។ លោកបានថ្លែងថា៖ «គម្រោងដាក់ឲ្យដំណើរការកម្មវិធីសិក្សាពិការភាពនេះ ដើម្បីឲ្យកុមារពិការទទួលបានសេវាអប់រំប្រកបដោយគុណភាព ស្មើៗគ្នាដូចសិស្សមិនពិការដែរ»។ …
ប៉ិច សុធារី
http://bit.ly/2hH380T
