ពលរដ្ឋ អមលាំង ដាក់ញត្តិទៅតុលាការឲ្យបញ្ឈប់ចេញដីកា
ប្រជាពលរដ្ឋមកពីឃុំ អមលាំង ស្រុក ថ្ពង ខេត្ត កំពង់ស្ពឺ ប្រមាណជា ២០០ នាក់ ដែលមានជម្លោះដីធ្លីដ៏រ៉ាំរ៉ៃ ជាមួយក្រុមហ៊ុន ស្ករសភ្នំពេញ របស់លោកឧកញ៉ា លី យ៉ុងផាត់ សមាជិកព្រឹទ្ធសភាគណបក្សប្រជាជនកម្ពុជា បាននាំគ្នាឡើងមកតុលាការខេត្តដើម្បីដាក់ញត្តិទាមទារ សុំឲ្យបញ្ឈប់បិទការកោះហៅ និងដីកាតាមចាប់ខ្លួនពលរដ្ឋទាក់ទិនទៅនឹងជម្លោះដីធ្លីជាមួយក្រុមហ៊ុនដែលបានចាប់ផ្តើមតាំងពីឆ្នាំ ២០១០ នៅខណៈដែលតុលាការបានចេញដីកាបង្គាប់ឲ្យចូលខ្លួនបំភ្លឺ និងដីកាចាប់ខ្លួនពលរដ្ឋសរុបចំនួន ៣៧ ដីកា។ លោក ផល វណ្ណៈ តំណាងប្រជាពលរដ្ឋនៅក្នុងឃុំ អមលាំង បានថ្លែងឲ្យដឹងថា តុលាការបានចេញដីកាចំនួន ៣៧ ដោយក្នុងនោះមានដីកាបង្គាប់ឲ្យនាំខ្លួន ៩ ដីកា បើកសវនាការ ២ និងដីកាសាកសួរនិងសាក្សីចំនួន ២៦ ដោយបង្គាប់ឲ្យប្រជាពលរដ្ឋរបស់លោកចូលខ្លួនទៅតុលាការនៅថ្ងៃ ទី ៣០ ខែ ធ្នូ ដើម្បីបើកសវនាការលើបណ្ដឹងរបស់ជនមិនស្គាល់មុខ ដែលប្តឹងប្រជាពលរដ្ឋជាម្ចាស់ដី ពីបទរំលោភលើអចលវត្ថុដែលកាន់កាប់ស្របច្បាប់។ …
ម៉ៃ ទិត្យថារ៉ា
http://postkhmer.com/index.php/national/1-national-news/108578-2013-12-31-03-55-51
