មនុស្សរាប់ពាន់នាក់នឹងទៅសាលាដំបូងគាំទ្រមនុស្សទាំង២៣នាក់
មេដឹកនាំសហជីពលើកឡើងថា ខ្លួនរំពឹងថា មនុស្សរហូតដល់ទៅ១.០០០នាក់នឹងនាំគ្នាមកសាលារាជធានីភ្នំពេញនៅថ្ងៃេនះ ដើម្បីបង្ហាញការគាំទ្រចំពោះ សមាជិកសហជីព កម្មករ និងអ្នកឈរមើលចំនួន២៣នាក់ ដែលត្រូវតុលាការបើកសវនាការជំនុំជម្រះក្តីទាក់ទិននឹងការពាក់ព័ន្ធរបស់ពួកគេនៅក្នុងការតវ៉ាដ៏ហិង្សានៅក្នុងខណ្ឌពោធិ៍សែនជ័យ កាលពីខែមករា។ អំឡុងអំពើហិង្សាដ៏ខ្លាំងចំនួនពីរថ្ងៃនៅដើមខែមករា មនុស្សចំនួន២៣នាក់ត្រូវបានវាយដំ និងចាប់ខ្លួនមុនពេលបញ្ជូនទៅកាន់មណ្ឌលអប់រំកែប្រែទី៣ នៅក្នុងខេត្តកំពង់ចាម ជាទីដែលសុខភាពរបស់ពួកគេបានចុះខ្សោយហើយគ្មានការព្យាបាលឲ្យបានត្រឹមត្រូវ និងអាចទាក់ទងមកខាងក្រៅបានតិចតួច។ មនុស្សទាំង២៣នាក់នេះត្រូវបានចោទប្រកាន់ពីបទបង្កអំពើហិង្សា និងបំផ្លិចបំផ្លាយទ្រព្យសម្បត្តិ ជាការចោទប្រកាន់មួយដែលអង្គការសិទ្ធិមនុស្សបានជំទាស់យ៉ាងខ្លាំង។ លោក ប៉ាវ ស៊ីណា ប្រធានសម្ព័ន្ធសហជីពចលនាកម្មករ (CUMW) បានមានប្រសាសន៍ថា “ នឹងមានមនុស្សប្រហែល១.០០០នាក់ មកពីសហជីពចំនួន៨ និងសមាគមផ្សេងទៀត ដើម្បីបង្ហាញការគាំទ្ររបស់ខ្លួន និងដើម្បីចាំមើលសាលក្រមរបស់តុលាការ។ នេះជាលើកដំបូងហើយដែលយើងអាចបង្ហាញស្មារតីគាំទ្ររបស់យើង ចាប់តាំងពីពួកគាត់ត្រូវបានចាប់ខ្លួនមក”។ …
ម៉ិច ដារ៉ា
http://www.cambodiadaily.com/news/thousands-expected-at-municipal-court-in-support-of-23-57342/
