ពលរដ្ឋមានជម្លោះជាមួយក្រុមហ៊ុន KDC រត់គេចពីការចាប់ខ្លួន
ពលរដ្ឋ ២នាក់ ក្នុងចំណោម ១៦ គ្រួសារ រស់នៅ ភូមិឡពាង ឃុំតាជេស ស្រុកកំពង់ត្រឡាច ខេត្តកំពង់ឆ្នាំង ដែលមានទំនាស់ដីធ្លីដ៏រ៉ាំរ៉ៃជាមួយក្រុមហ៊ុន ខេឌីស៊ី អន្តរជាតិ របស់ភរិយាលោក ស៊ុយ សែម រដ្ឋមន្ត្រីក្រសួងរ៉ែ និងថាមពលដែលបានបដិសេធពុំទទួលយកសំណង់ដែលទូរទាត់ជាកញ្ចប់បានរត់ចោលផ្ទះដើម្បីសុវត្ថិភាពបន្ទាប់បានទទួលដីកាកោះពីប៉ូលីសខណៈពលរដ្ឋ ១៥ គ្រួសារដែលបានទទួលយកសំណងហើយនោះបានបឹ្តងទាមទារសំណងបន្ថែមទៀតពីក្រុមហ៊ុន។ លោក រាជ ស៊ីម៉ា តំណាងប្រជាពលរដ្ឋ ដែលបដិសេធទទួលយកសំណងជាកញ្ចប់ ហើយកំពុងរត់គេចខ្លួនដើម្បីសុវត្ថិភាពជាមួយបណ្តឹងព្រហ្មទណ្ឌបីបណ្តឹងនោះបានថ្លែងថា អធិការ ស្រុកកំពង់ត្រឡាច បានចេញលិខិតកោះហៅលោកនិងលោក ស្ងួន ញៀន ឲ្យចូលខ្លួនទៅកាន់អធិការដ្ឋាននគរបាល ស្រុកកំពង់ត្រឡាច នៅថ្ងៃ ទី២០ ខែមេសា ឆ្នាំ២០១៤ វេលា ម៉ោង ២:៣០ នាទីរសៀល ដើម្បីសាកសួរការងារផ្ទាល់ខ្លួន។ លោកថា៖ «វាចំឡែកលិខិតឲ្យដល់ដៃខ្ញុំម៉ោង ១ ហើយឲ្យចូលនៅម៉ោង ២ ជាង ជាពិសេសជាថ្ងៃអាទិត្យទៀត ហើយខ្ញុំទទួលបានព័ត៌មានថា នៅពេលណាដែលខ្ញុំបង្ហាញខ្លួនគឺគេចាប់ខ្ញុំតែ ម្តងដោយគេចោទខ្ញុំថា ញុះញ៉ង់ពលរដ្ឋឲ្យបដិសេធពុំទទួលយកសំណងនិងធ្វើឲ្យពលរដ្ឋបះបោរ។ ដូច្នេះដើម្បីសុវត្ថិភាពខ្ញុំត្រូវតែគេចខ្លួនសិន ប៉ុន្តែការគេចនេះគឺរកដើម្បីរកជំនួយផ្នែកច្បាប់ទេ»។ ...
ម៉ៃ ទិត្យថារ៉ា
http://www.postkhmer.com/national/1-national-news/113336--kdc-
