សហគមន៍ព្នងនៅ ស្រុកពេជ្រាដា ប្តឹងមន្ត្រីបីនាក់រឿងសុំកាប់ឈើ ៤ ពាន់ម៉ែត្រគុប
មន្ត្រីបរិស្ថាននិងអាជ្ញាធរបីរូបនៅស្រុកពេជ្រាដា ត្រូវសហគមន៍ប្តឹងទៅតុលាការ ពាក់ព័ន្ធទៅនឹងការឃុបឃិតគ្នាចេញលិខិតកាប់ឈើជាង ៤ ពាន់ម៉ែត្រគុបសង់ស្នាក់ការ និងដោះលែងអ្នកកាប់ឈើខុសច្បាប់។ ជនជាតិដើមព្នង ជាង ៤០០ គ្រួសារនៅសហគមន៍ ប៊ូស្រា ពូលុ និងឡាម៉េះ ក្នុង ឃុំប៊ូស្រា ស្រុកពេជ្រាដា បានរួមគ្នាដាក់ពាក្យបណ្តឹងទៅតុលាការ ខេត្តមណ្ឌលគិរី ដើម្បីប្តឹងមន្ត្រីបរិស្ថាន និងអាជ្ញាធរកាលពីចុងសប្តាហ៍មុន បន្ទាប់ពីរកឃើញថា មន្ត្រីទាំងបីនាក់នោះបានចេញលិខិតខុសប្រក្រតីដើម្បីកាប់ឈើសហគមន៍ចំនួន ៤.០៤៤,៦៨៨ ម៉ែត្រគុប ដោយយកលេសថា សាងសង់ស្នាក់ការ។ មន្ត្រីទាំងបីនាក់នោះរួមមានលោក រ័ត្ន សុវណ្ណ នាយដែនជម្រកសត្វព្រៃ ភ្នំណាមលៀរ លោក នួន សារ៉ន អភិបាល ស្រុកពេជ្រាដា និងលោក យើត សារីន មេឃុំប៊ូស្រា។ នេះបើតាមតំណាងសហគមន៍លោក មើល ចែវ អាយុ ៣៥ឆ្នាំ បញ្ជាក់។ …
ផាក់ ស៊ាងលី
http://bit.ly/1KPTOEy
